• Breaking News

    Kolasib Area Masihi Sangati Meet a tiak

    Kolasib Area Masihi Sangati Meet vawi 19-na chu Kawnpui Venglai-ah Zirtawpni zan atang khan neih a ni a; nizan khan Palai te dar 2:00 thleng an zaikhawm a; Meet hi hlimawm takin a zo thei a. He Meet ah hian Palai leh langa kalte nen mi 528 chuang an ni.

    Meet hmangtu Palai te hi an zavaiin Kristian an ni lo a; Zirtawpni zan atangin Speaker Pastor James C Lalremruata Kolasib chuan Pathian thuchah a sawi a; Inrinni chawhnu Varety leh Pathianni chawhnu Mual Inkhawm chu Biak In tual-ah an hmang thung. Kristian ni lo Palai lokal te chu Sangati Evangelist ten Counceling neihpuiin Pathian thu an hrilh a; Sangati Pastor in Baptisma chang duh te a chantir nghal bawk a. Nizan thleng khan Baptisma chang thar hi mi 14 an awm tawh a ni.

    Sangati Meet hi Chairman Upa Chawngthanmawia’n a kaihruai a; kum thar atana hruaitu an thlan thar ah pawh Upa Chawngthanmawia hi Chairman atana thlan nawn leh a ni. Kolasib Area Sangati hian Kawnpui, Hortoki, Kolasib leh Bairabi thlengin a huam a; heng khua te bakah hian an huam chhunga khaw te zawk leh ramhnuaia hnathawk Hnamdang te chu Sangati Committee hrang hrang ten Meet an rawn hmanpui.

    Meet thlengtu Kawnpui Venglai Kohhran chuan Meet senso atan cheng Nuai 2.38 an ruahman a; Meet neih chhung zawng hian Palai zawng zawng ten hmun khat-ah (Biak In) ah chaw an ei vek a. Kohhran Hall-ah an zavaiin an riak khawm bawk a; riahna tur Mutbu hi Kohhran mite an dahkhawm sak bawk. Thlengtu Kohhran te tanrualna a tha hle a. Palai leh Area hruaitute pawh an lawm hle a ni.

    Sangati Meet ah hian Kohhran Khawmpui anga Rorel a awm ngai lo a; Area Sangati chungchanga pawimawh zawng zawng chu Area Committee in a rel mai a. Nakum lama Meet neihna hmun tur pawh Area Committee kutah a awm ang.

    No comments

    Post Top Ad

    Post Bottom Ad