• Breaking News

    Khawvela mobile data man tlawmna ber ram chu India

    Tun hnaia Cable.co.uk in an zir chianna an tar chhuahah India ram chu khawvela mobile data man tlawmna ber ram a ni an ti.

    Mukesh Ambani com-pany Jio vangin India ramah hian mobile data man hi a tlawm ni-a sawi a ni a. India ramah hian mobile data 1GB man hi Rs. 18.5 a ni a, hei hi US dollar 0.26 chauh a ni a. Khawvela mobile data man   chawhrual (average) chu Rs. 600 a ni daih a; hei hi US dollar 8.53 a ni.

    Report-a a lan danin UK-ah chuan mobile data 1 gigabyte zelah US dollar 6.66 a ni a, US-ah chuan dollar 12.37 a ni.

    Cable.co.uk-in ram hrang hrang 230 a mobile data man an zir chianna a\ang hian India ram chu mobile data 1GB man tlawmna ber a ni mek a ni.

    An zir chianna report-ah chuan India rama \halai tam berte chu tunlai thiamna lamah an changkang a, smartphone pawh India ramah hian hralh hnem a ni a, hemi avang hian company hrang hrang inelna a nasa a, hei hian mobile data man a titlawm nasa hle niin an sawi.

    India ramah hian smart-phone hmangtu maktaduai 430 kan awm mek niin an sawi a, China tih lohva smartpohone hralh hnem ber ram a ni.

    Kum 2016 khan Ambani chuan India ram Jio hmangin 4G phone service a rawn tichhuak a. India ram chhunga awmte a thlawna inbiak theihna an siam hmangin customer maktaduai 280 lai an kuah khawm thei a. Smartphone man tlawm em em an zuar chhuak bawk a. Jio vang hian company dang pawh-in an rate an tihniam tak vak vak lo thei lo a ni.

    Jio avang hian Ambani pawhin hma a sawn nasa a, Forbes World's Billion-aire list-ah pawh 13-na a\angin 6-naah a kaisantir duai a, a hausakna hi tunah hian US dollar tlukleh-dingawn 50 hu a ni tawh hial a ni.

    Cable.Co.Uk chuan nikum October ni 23 a\ang a November ni 28 chhung khan ram hrang hrang 230 a mobile data plan 6313 zet an zir chian thu an sawi.

    No comments

    Post Top Ad

    Post Bottom Ad