• Breaking News

    Khawvela khawpui bawlhhlawh ber ber 20 zinga 15 India ram a mi!

    Khawvela khawpui  boruak bawlhhlawh ber ber (Most polluted cities) 20 zinga 15 chu India rama awm a ni!

    NGO pakhat, Green-peace-ten an zir chiannaah chuan Delhi khawpui bul Gurugam leh Ghaziabad-te chu boruak bawlhhlawh lama hma hruaitu an ni a. Delhi chu 11-naah a awm a, ram pakhat khawpuiah chuan boruak bawlhhlawh ber a la ni fan.

    Boruak bawlhhlawh top 20 zinga 15 India a ni a, a dang panga chu China, Pakistan leh Bangaldesh-in an insem.

    China hian kum sawm chuang chu boruak bawlh hlawh tireh turin theihtawp an chhuah tawh a, hma pawh an sawn niin a lang a. Kum 2017 aiin kum 2018 chhung khan zaa 12  zetin an tlahniam a. China ram khawpui Beijing chu boruak bawlhhlawh lamah hian 122-na an ni daih tawh a ni.

    PM2.5 pollution (Boruak chhia) hi kawng hrang hrangin a awm a. A siamtu langsar chu motor khu te, thlai leh hnim hal khu te, thil siamna a\anga boruak chhia khu chhuak leh lungalhthei kang te a ni a. Kum 2019 a\ang hian khawvel pumah boruak chhia avang hian kum tin khawvel pumah mi makta-duai 7 vel an thi dawn niin sawi a ni a, khawvel pumah boruak chhia avanga tawrh na hi dolla tluklehdingawn 225 man hu a tling dawn niin Greenpeace report chuan a tarlan a ni.

    Greecpeace, South East Asia-a Executive Director Yeb Sano chuan, “Boruak bawlhhlawh hian kan nun leh kan hmabak thlengin min ruksak a; hei hi kan thlak thleng thei. Mihring nunna a lak mai piah lamah kan sum hman chu tluklehdingawn telin a tipung a, damdawi hmanga inenkawlnaah a maka maka tam kan sen belh phah bawk. Kan hriselna leh kan ipte rawktu hi i ngaihthah lo ang u,” tiin a sawi a ni.


    Rank City 2018 AVG ( PM2.5)
    1 Gurugram, India 135.8
    2 Ghaziabad, India 135.2
    3 Faisalabad, Pakistan 222.1
    4 Faridabad, India 129.1
    5 Bhiwadi, India 125.4
    6 Noida, India 123.6
    7 Patna, India 119.7
    8 Hotan, China 116
    9 Lucknow, India 115.7
    10 Lahore, Pakistan 114.9
    11 Delhi, India 113.5
    12 Jodhpur, India 113.4
    13 Muzaffarpur, India 110.3
    14 Varanasi, India 105.3
    15 Moradabad, India 104.9
    16 Agra, India 104.8
    17 Dhaka, Bangladesh 97.1
    18 Gaya, India 96.6
    19 Kashgar, China 95.7
    20 Jind, India 91.6

    No comments

    Post Top Ad

    Post Bottom Ad