• Breaking News

    Khawtlang atangin Damdawi (Ruihhlo) zuar hnawtchhuak

    Kawnpui
    VC & NGOs Joint Meeting
    Kawnpui Dt. 5th Mar., 2019  : Nimin khan Kawnpui Village Council - I leh NGOs te chuan Ruihhlo zuar an man chu khawtlang atangin an hnawtchhuak a, Ruihhlo zuar man - Lalhmangaiha te chhungkua chuan nimin vek khan Kawnpui an chhuahsan nghal a, VC leh Branch YMA chuan Pem Lehkha an pe nghal a ni.

    Lalhmangaiha te hi Kawnpui Hmarveng-a khawsa an ni a, a nupui leh a fate pathum nen Kawnpui hi an chhuahsan a ni.

    VC-I area Ruihhlo dotu Joint Action Force (JAF) te chuan Dt. 24.2.2018 khan Lalhmangaiha Damdawi hralh lai hi an man a, VCP programme danga a zinchhuah avangin action an la nghal mai lova. Dt. 2.3.2019 zan khan VC kaihhruaina hnuaiah JAF leh VC-I Area chhunga NGOs te nen relho a ni a, VC-I area atanga hnawhchhuah hi an titlu ta a ni. Nimin Dt. 4.3.2019 chhun dar 12:00 ral hmaa VC-I area chhuahsan tura hriattir a ni a, JAF te hian fiahin nimin khan Kawnpui an chhuahsan fel a ni. Kan thudawnna chuan Lalhmangaiha te hi Aizawl lamah pem turin an chho a ti.

    VC - I kaihhruaina hnuaiah hian Joint Action Force (JAF) hi nikum khan din a ni a, nikum November ni 1 atang khan Gram Shaba-a mipui pawmpuina nen VC-I Area chu Damdawi (Ruihhlo) awm lohna Dry Area-ah puan a lo ni tawh nghe nghe a ni.

    VC te leh NGOs Meeting chuan tun chinah chuan Damdawi zuar an man reng rengte chu Darkar 24 hmain VC-I Area an chhuahsan fel tur a ni tiin an rel bawk a ni.

    No comments

    Post Top Ad

    Post Bottom Ad