• Breaking News

    Keith Flint a thi

    Vawiin chu thihna lam ringawt kan ziah a ngai mai! The Prodigy singer Keith Flint chu kum 49 mi niin a thi a ni.

    A sam phir leh rawng tle sep sepa a chei \hin avanga hriat hran awlsam tak, a aw ki sang em em avanga hriat lar ni bawk Flint hi The Prodigy number one single pahnih - Breathe leh Firestarter-ah te a zai ve ve a ni.

    Flint hi Dunmow, Essex-a a chenna inah Thawh\anni zing khan thi-a chhar a ni a. A thih thu hi Prodigy band Instagram account-ah post a ni a, post-tu Liam Howlett chuan, “Kan unaupa Keith chuan ama nunna a la ta tih hi ka sawi a ngai ta mai a, kei ngei pawhin ka ring thei  lo. Mak ka ti a, ka thin a rim a, ka rilru a na a ni,” tiin a ziak.

    The Prodigy hi kumin May thla hian US tour neih tumin an inbuatsaih mek a. Hetih laia an singer ber mai a han thi hi an tuar na ve hle ang tih chu a rin theih.

    An band thuchhuah a\ang hian Flint hi mi thah chu a ni lo tih a chiang a. Eng ang chiaha thi nge a nih sawi a ni lo naa, ruihhlo overdose a ni maithei.

    No comments

    Post Top Ad

    Post Bottom Ad