• Breaking News

    Kawnpui Hmarveng-ah Ruang chhar

    Kar kalta Zirtawpni khan Kawnpui Hmarveng-a Zotlang veng thlen phei hma, tun hmaa Mary Lo kham tih \hin bul Luikawr-ah ruang chhar a ni a, Ruang hi a chhiat deuh tawh avangin nimin tlai khan Zotlang veng thlanmual-ah phum nghal a ni.

    Ruang chhar hi Hamram-a, kum 65 bawr vel, tunah R. Tlangkhuma, Kawnpui Venglai te chhawr lai mek a ni a. Hamram-a hi kar hmasa Thawhtanni a\ang khan a bo tawh a, a chhawrtu R. Tlangkhuma te leh khuaa awm changa a innghahna a hnathawhpui Lalbiak-mawia u Lalthlamuani
    W/o Lalmuanpuia, Kawnpui Venglai te chuan an zawng a, nimin khan a ruang hi an hmu ta a ni.

    Hamram-a hi a hming tak pawh hriat a ni lova. Kawnpui leh a chhehvelah hian hun rei tak a\ang tawh khan inhlawhin mi hnenah a thawkkual \hin a, Lalbiakmawia nen hian Lungte la hovin tun hnaiah a chawlh changin Lalbiak-mawia u Lalthlamuani te Inah hian a innghat thin a ni. Lalthlamuani chuan kar hmasa Thawh\anni khan hlawh la tura a chhuak chu a lo haw tawh lova. |um dangah chuan ni li te a \hang bo thin a, a tirah chuan ngaihthat lohna an neih loh thu a sawi a ni.

    Hamram-a ruang hi National Highway atanga Feet 50 vel Luikawr-ah hmuh a ni a, ruang hmuh a nih hian a chhe deuh tawh a, kawng a\ang pawhin a rim a hriat theih tawh a ni. Hmun \henkhat lai chu Lung-in a bawm tawh a, a taksa pawh a dum chhuak vek tawh a ni. Kawnpui Police-te chuan Ruang-ah kutthlakna hnuhma a awm awm an hriat loh thu leh hriat mai theih pawh a nih tawh loh avang leh rinhlelh an awm loh avangin Kawnpui Town Joint YMA te nen inbe rawnin a ruang hi phum nghal a ni ta a ni.


    No comments

    Post Top Ad

    Post Bottom Ad