• Breaking News

    KAWNPUI BIAL PAHNIH ATANGA SYNOD-A LUT NUAI 169.03


    Presbyterian Kohhran Kawnpui Pastor Bial leh Kawnpui Chhimveng Pastor Bial te chuan kum 2018 - 2019 chhunga Synod-a sum an chhunluh zat Bial Standing Committee ve ve in a enfel hnu-ah an tichhuak ta a; Bial pahnih te hian Nuai 169.03 an chhung lut a. Kawnpui Bial hian cheng Nuai 111.95 an chhunglut a; Kawnpui Chhimveng Bial hian cheng Nuai 57.08 an chhunglut thung.

    Kawnpui Pastor Bial chhunga Kohhran 3 zingah Kawnpui Venglai Kohhran in an chhunglut hnem ber a; kum khat chhungin cheng Nuai 52.46 an chhung lut a; Dan zawhkim pakhat zelin Rs 6087 thawh ang an ni a. Kawnpui Hmarveng Kohhran chuan cheng Nuai 43.80 an chhunglut a; Dan zawhkim pakhat Rs 4455 thawh ang an ni a. Bualpui Kohhran chuan cheng Nuai 14.48 an chhunglut a; Dan zawhkim pakhatin Rs 3668 thawh ang an ni. Heng bakah hian Masihi sangati atang te; Bial KTP leh Bial Kohhran Hmeichhia te pawhin Bial Standing Committee kaltlangin an chhunglut bawk. Kawnpui Bial hian cheng Nuai 10.63 in kum kalta-a an thawhlawm an khum a ni. Bial pumpuia chhutin Dan zawhkim pakhat thawh zat hi Rs 4989 a ni a; kum kalta aiin Rs 371 zelin a tam niin Bial Treasurer Report-ah ziak lan a ni bawk. Kohhran mal bikah kum kalta nena Thawhlawm pun dan tarlan ah chuan Kawnpui Hmarveng Kohhran an pung tlem ber a; Dan zawhkim pakhat thawh zat punna pawh an tlem ber bawk.

    Kawnpui Chhimveng Pastor Bial atanga Chhuahtlang-in Thawhlawm enfelna a dawn ah chuan Kohhran mal anga ziak hran a awm lo a; Bial chhunga Kohhran pahnih (Kawnpui Chhimveng leh Kawnpui Dinthar) te; Kanan Branch Church te; Mualvum Kohhran te; Masihi Sangati te; Bial KTP leh Bial Kohhran Hmeichhia ten Synod-a sum an chhunluh belhkhawm chu cheng Nuai 57.08 a ni a. Dan zawhkim pakhat thawh zat ziakna a lang lo a; kum kalta aiin cheng Nuai 10.13 in an thawhlawm a sang zawk a ni.

    1 comment:

    Post Top Ad

    Post Bottom Ad