• Breaking News

    Justin Bieber-a’n hun harsa a tawng mek

    Zaithiam langsar Justin Bieber chuan tunlai hian hun harsa tak a tawk mek a. Thil hrang hrangah harsat -na a tawh avangin a nun chu a buai hle niin a sawi.

    Bieber hian Hailey Baldwin chu nupui atan a nei a. A nupui nena an inneihna hi chuti maiin a awlsam lem lo va, nupui neih a, pa han nih chuan harsatna neuh neuh a ngah ta hle niin report a ni a. Amah tak hi chuan a nupui neih vanga harsatna a tawh thu hi a sawi lo va. Mahse, Instagram-a a thil post avangin mi tam takin rinhlelhna an nei a. Insta-ah hian ‘Been struggling a lot’ tih a post a ni.

    Canadian pop star Bieber hian he thu a post rual hian kum 2016 daih tawha a \hian Kanye West leh Scooter Braun-te nena an \awng\ai lai thlalak a post bawk a ni.

    Bieber chuan, “Tuna ka hun hman leh tawn mek chungchanga ngaihdan in lo siam thiam theihna turin tlema han inhawn zau ve deuh ka duh a ni,” tiin a ziak a. “Harsatna ka tawk nasa khawp mai. Tunah tak hi chuan mite nena kan inzawmna hi a tawp ta vek ni maite hian ka hria a, ka nun hi a hahthlak takzet a ni. Mahse, ka nunah hian thil tam tak ka tawk tawh a, harsatna ka tawh a\angin ka tho leh thei zel. Chuvangin ka lungngai lo va, mahse, in hnenah he thu hi sawi ka duh a. Nangnin min lo \awng\aipui ula, Pathian hi a rinawm a, kan \awng\ainate a chhang \hin a. Mihring harsatna tawh theih lian ber ka tawk mek a ni,” a ti.

    No comments

    Post Top Ad

    Post Bottom Ad