• Breaking News

    Indonesia-ah rangkachak khur chim vangin mi 16 an thi tawh

    Indonesia ram Sulawesi thliarkara dan lova an siam rangkachak khur chu kar hmasa khan a chim a, nimin thleng khan he khur chim avanga thi zat chu mi 16 an tling tawh tih thuneitute chuan an sawi.

    National Disaster Miti-gation Agency (BNPB) te chuan he rangkachak khurah hian a chim lai hian mi 30 a\anga 100 vel an awm niin an ring a. Tunah hian dama hmuh beiseina an la neih avangin fimkhur tak leh chak takin chhan chhuah hna an thawk mek tih an sawi.

    Bolaang Mongondow biala tlang chhengchhe taka awm he gold mine hi Sulawesi hmar lama awm a ni a. Khur chhung hi a chim mai loh nan thing hmanga kam a ni a. A kamna hian a zo ta lo a, February ni 26 zan khan a chim ta a ni.

    Tun thlengin mi 18 chu nungdamin chhan chhuah an ni tawh a. A tirah chuan he khura hnathawktu awm mekte hi mi 60 vel an ni tih a ni phawt a. Mahse, helai biala awmte thusawi a inan loh nasat em avangin sorkar chuan a dik tak pawh an puang thei lo.

    Tunah hian Indonesian Search And Rescue Agency (BASARNAS) leh BNPB hnathawktute chuan lei lai khawl pahnih hmangin chhun zan zawmin hna an thawk mek a ni.

    No comments

    Post Top Ad

    Post Bottom Ad