• Breaking News

    India U-23 team-ah Mizo 3

    Naktuk atang khian Tashkent, Uzbekistan-ah AFC U-23 Championship Qualifiers khelh a ni dawn a. India pawh hetah hian a tel ang.

    India hi AFC U-23 Championship-ah hian vawi khat mah a la qualify  ngai lo a. Tashkent-ah pawh hian an hna a khirh hle dawn a, an qualify ang tih sawi theih a ni lo. An group-ah hian champion lai Uzekistan leh Tajikistan-te an awm a, India hian an hneh lo ve ve maithei.

    India U-23 team hi coach Derrick Pereira hovin an kal a. India team-ah hian kum 19-a upa 10 zet an awm a, a naupang ber chu kum 16-a upa a ni nghe nghe.

    Pereira chuan, “History siam thei kan nih avangin kan phur hle tur a ni. |ha takin, phur takin, rilru dik tak puin kan khel dawn a ni,” a ti.

    India U-23 team hian hmanni khan Qatar nen friendly an khel a, an chak lo naa, ball an chang hnem a, an khel a hmuhnawm hle a. Hei hi India tan technical -ly-a hmasawnna niin Pereira chuan a sawi a. “Khatianga kan khelh theih chuan Uzekistan lakah pawh chance kan nei vein ka hria,” a ti.

    Qatar hi senior-ah AFC Asian Cup champion zo hlim an ni.

    Kum 57-a upa Pereira chuan goal khung ringawt chu an striker-te hnathawh a ni lo tih sawiin, an team pumpuiin goal khung an tum vek dawn niin a sawi.

    India U-23 squad-ah hian Mizo pathum lai an awm a. Midfielder pahnih - Jerry Mawihmingthanga leh Lallianzuala Chhangte te leh striker Daniel Lalhlim-puia te an tel a ni. India squad chu hetiang hi an ni -
    Goalkeepers: Dheeraj Singh, Prabhsukhan Gill, Mohammad Nawaz.
    Defenders: Narender, Nishu Kumar, Sarthak Golui, Gaurav Bora, Mehtab Singh, Anwar Ali, Asish Rai.
    Midfielders: Jerry Mawihmingthanga, Lallianzuala Chhangte, Vinit Rai, Sahal Abdul, Amarjit Singh, Rohit Kumar, Anirudh Thapa, Komal Thatal, Rahul KP.
    Forwards: Liston Colaco, Daniel Lalhlimpuia, Rahim Ali, Rohit Danu

    No comments

    Post Top Ad

    Post Bottom Ad