• Breaking News

    India ramah Rulngan sanctuary

    Nimin kha World Widlife Day a ni a. India chuan khawvela a hmasa ber atan Rulngan (King Cobra) sanctuary a siam dawn tih a puang.

    King Cobra hi India ram, a buk takin Agume leh Western Ghats-ah a tam a. Heng an awmna hmun hi khawvela ruah tui tlak tam lama pahnihna a ni an ti nghe nghe.

    Rulngan hi khawvela rul hlauhawm ber zinga mi a ni a. King Cobra hi a scientific hming chu Ophiophagus Hannah niin, rul tur nei zinga sei ber chi a ni a. A puitling chu feet 19 laia sei te a ni thei a. King Cobra hian a vawi khat chuka a tur a tihchhuah hmang hian mihring pangngai pasarih a that thei tih khawpa tur chak a ni a. Mahse, rul nungchang \ha leh zaidam tak a ni a, tihhlauh emaw, chhaih kawlh emaw a nih loh chuan mi a chuk mai mai ngai lo an ti thung.

    Kum 2005 khan Ameri-ca rama piang Romulus Earl Whitaker chuan Agumbe Rainforest Research Station a din a. Ani hi rul chanchin zir mi langsar leh ransa humhalh kawnga hmingthang tak a ni a. Romulus hian kum 1971 khan rulngan hi a vawi khat nan a hmu a. A station hi khawvela King Cobra zir chianna nei hmasa ber a ni nghe nghe.

    Agumbe-ah hian mipuiten King Cobra hi an ngaisang -in an zah hle niin an sawi a, chuvangin helai biala King Cobra sanc-tuary siam chu thil awm tak nin sawi a ni a, Agunbe hi khawvela King Cobra Sanctuary hmasa ber a ni dawn em tih erawh a la chiang lo thung.

    No comments

    Post Top Ad

    Post Bottom Ad