• Breaking News

    India rama khaw fai ber Indore

    Indore chu a zawna kum thumnan India rama khawpui fai bera puan a ni leh ta.

    Swachh Survekshan 2019 result puanah Indore hi India rama khaw fai bera thlan a ni leh ta a, anni hi kum hnih chhung fai bera thlan lo ni tawh an ni a. Ahmedabad chu khawpui lian zinga fai ber - 'Cleanest Big City' ah puan a ni a. Ujain chu 'Cleanest Medium City' a ni a. Hetih lai hian  Bhopal chu 'Cleanest Capital/UT' ah puan a ni bawk.

    Swachh Survekshan 2019 chhunga inelna neihah hian New Delhi Municipal Council area chu 'Cleanest Small City' award hlan an ni a,  Uttarakhand-a Gauchar chu 'Best Ganga Town' a thlan a ni bawk.

    Swachh Survekshan hi faina kawnga inelna leh zir chianna tihna a ni awm e. Hetah hian Delhi Canton-ment chu Cleanest Canton -ment area-ah puan a ni a. Nimin khan he inelnaa chawimawina dawngte hnenah hian President Ram Nath Kovind chuan lawmman a hlan a ni.

    Union Housing Minister Hardeep Singh Puri chuan Indore chu India ram khawpui fai berah a zawna kum thumna atana an ni leh thei ta chu a lawmpui thu a sawi a. Indore khawpui a faina atana faina volunteer Swachhagrahis-te chu fakawm a tih thu leh hmun danga mite aia an thawh rim avanga Indore chu fai thei a nih thu sawiin, entawntlak an ni a ti.

    No comments

    Post Top Ad

    Post Bottom Ad