• Breaking News

    India leh Pakistan inbe zel dawn

    Tun hnaiah India leh Pakistan inkar chu chhiain, boruak lum viau mah se Kartarpur corridor-a an inbiakna chu chhunzawm zel a ni dawn.

    Pulwama-a India sipaite thah an nih hnuah India chuan Pakistan awp Kashmir a run a, Pakistan-in a rawn bei let ve bawk a. Hetiang hian India leh Pakistan inkarah boruak lum tak awm mah se India chuan nimin khan Kartar-pur corridor-a inbiakna kalpui zel an duh tih an sawi a. Mipuite duh dan chu zahsak a ni ang a, Pakistan palaite pawh India chuan a lo lawm reng an ti.

    Hetianga inbiakna neih tur hi March ni 14-a neih leh turin ruahman a ni a. India chuan crossing point pawh a puang chiang tawh a, Pakistan chuan a la puang chiang ve rih lo thung a. India ram lamah Dera Baba Nanak Land Check Post, Punjab-a Gurdaspur district-ah India chuan crossing point tur a duang a. Hetah hian India chuan lut leh chhuak tur tan checkpoint a siam dawn tih a puang tawh a ni.

    India leh Pakistan hian nikum November thla khan Sikh sakhaw hmu chhuaktu Guru Nanak-a’n kum 18 lai hun a hmanna Holy Gurudwara chu biakzin-ten an tlawh theih nan Kartarpur Corridor hawn hi an lo pawm dun tawh a. Hei hi Guru Nanak Dev piancham vawi 550-na puala tih a ni.

    Indian High Commis-sioner to Pakistan Ajay Bisaria chuan Kartarpur chu "corridor of faith" tiin a sawi a. Ram pahnihte tan inrintawnna hmun a ni a ti a. Pakistan High Commis -sioner to New Delhi Sohail Mahmood pawhin mipui intlawh pawh tawnna hmun \ha a ni a ti bawk

    No comments

    Post Top Ad

    Post Bottom Ad