• Breaking News

    India leh Bangladesh sipai nunchan zir

    India leh Bangladesh-te chu ram venhimna lama an thawh dunna thuthlung kal zelah sipai nunchan zirna neiin hun an hmang mek.

    He sipai nunchan zir hi Inrinni, March ni 2 a\ang khan Bangladesh-a Tangail-ah neih a ni a, ni 15-ah zawh tum a ni.

    He sipai nunchan zir hi ‘Sampriti’ an ti a, India leh Bangladesh sipaiten a huho a nunchan an zir vawi 18-na a ni tawh a. Inrinni a\anga \an ni mah se, nimin khan Bongobondhu Can-tonment, Tangail-ah hawnna hun hmuhnawm leh ropui takin an nei.

    Hawnna inkhawmah hian India leh Bangladesh sipaite hian march pass neiin, ram pahnih hnam puanzar chu zahna chibai an buk a. India hnam hla, “Jana Gana Mana” leh Bangladesh hnam hla “Amar Shonar Bangla”te an sa a ni.

    Bangladesh sipaite hi 36 East Bengal Battalion ami te an ni a, India ram a\angin 9th Battalion the Rajputana Rifles-te an ni thung.

    Kar hnih chhung sipai nunchan zirnaah hian Bangladesh sipai company khat leh India sipai company khatte chuan thil hrang hrang an zirho dawn a. An zirho tura langsarah chuan hel pawl beih let dan a tel a, chu bakah chuan khawtlang roreltute nena thawhhona chungchang te leh UN peace keeping force-te hnathawh \hin, chhiatna a lo thlena chet lak dan te a tel a ni.

    India leh Bangladesh hian kum 2009 a\ang khan hetiang sipai nunchan zir hi an lo nei tawh \hin a ni.

    No comments

    Post Top Ad

    Post Bottom Ad