• Breaking News

    India-in SAAF Women’s Football Championship final an lût

    A zawna vawi 4 champion tawh India chu SAFF Women’s football championship-ah semi-final-a si li faia Bangladesh hnehin final an lut.

    He tournament hi Nepal rama Biratnagar-ah  khelh a ni a. India tan hian Dalima Chhibber chuan goal hmahruai a khung a. Indumathi Kathiresan chuan goal hnih khungin, hun pek belhah Manisha chuan goal khat a khung belh leh a ni.

    India hian match 3 an khelhah goal 15 an khung tling tawh a, goal khung thei tak chu an ni.

    Final-ah champion lai India hian a thlengtu Nepal chu an tum dawn a ni.

    Semi-final-ah hian Bangladesh hian an len zawkna hman \angkai tumin a tir a\angin India hi an nawr na hle a. Mahse, India tlar hnunga ding Ashalata leh Sweety Devi-te an ding nghet ve tlat a, goal an chhuah duh lo a, goal chance \ha pawh an pe duh lo.

    A tir lamah India hi bet zawk ni mah se ball an han chan chuan India an hlauh-awm hle a. Minute 18-naah goal an khung ta nge nge a. Sanju chuan mawi takin a cross a, Dalmia hian awlsam zetin a lo khung a. Hemi hnu hian inkhel a \ang chho lehzual a, team hnihte hian goal khungna chance an nei nual a. Mahse, a tawpah India chuan an chance an hmang \angkai hnem zawk a, goal 4 lai an khung a, Bangladesh lam erawhin India goalkeeper an pet khum thei ve ta lo a, India chu nuamsa takin an chak ta a ni.

    No comments

    Post Top Ad

    Post Bottom Ad