• Breaking News

    Hun bithliah ngaihpawimawh

    Mizo zingah hian Committee leh Meeting a tam hle a; Kohhran Inkhawm a tam hle bawk. Kohhran huang chhungah hian hun bithliah kan vawn that theih laiin pawn lama NGOs leh thil dang Meeting ah chuan hun bithliah kan vawng dik thei reng reng lo.

    Hun bithliah kan vawn theih loh chhan tam zawk hi chu inthlahdah vang leh rilru zelthel kan put vang a ni. Kawng hrang hrangah hun bi thliah fel vek a ni a; Ration Buhfai lak hun a awm a; Office dawr hun a awm a; Damdawi In-a Doctor inentir hun a awm a; School kal hun a awm a; Electoral Roll dil hun a awm a; Gas lak hun leh Connection tihfel hun a awm bawk a; chutiang chuan thil zawng zawng hian hun a nei.

    Hun bithliah ngaipawimawh lo; a hnu lamah, midang aia khaw muan bik hi hriat sual palh vanga awm thei bawk ni mahse a tam zawk hi chu hunbi ngaihpawimawh loh vang a ni.

    Khawvela ram hruaitu langsar leh mi hlawhtling entawntlak te chanchin han belhchian hian hunbi an dah pawimawh em em \hin a; hunbi an hmang thiam \hin. An hlawhtlinna chhan zinga pakhat a nih a rinawm bawk.

    Mizo te hian zir thar tur kan neih zingah hun bithliah ngaihpawimawh hi langsar tak a ni ang. Mitin hian ni khatah darkar 24 vek kan hmang a; mi zawng zawngin mut hun leh hnathawh hun te kan mamawh vek bawk a; mahse hun kan hman \angkai hleih dan erawh a inang lo khawpin a rinawm.

    Mi puitling kum 18 pel tawh, tih tur hre mang lova zing kar atanga awm mai mai te; mi tam zawk hnathawka an chhuah tawh laia lo la \hutmuan sur sur te; zan lamah mifing ten hunawl thiam taka an hman laia engthawl em em maia lo awm mai mai te hian hmasawnna min pe dawn lova;  tangkai taka hman tum ten min tlan khalh dawn a ni. Chuvangin hun bithliah hi ngaihpawimawh a; dah pawimawh a \ha hle.

    No comments

    Post Top Ad

    Post Bottom Ad