• Breaking News

    Hmeichhe world number one thar kan nei rih dawn lo

    Simona Halep chuan world number one nihna chance a hloh ve leh ta a. Miami Open semi-final-ah Karolina Pliskova chuan Halep hi 7-5 6-1 in a hneh a. Halep hian final lut se chuan kar thara WTA ranking tihchhuah tharah Naomi Osaka lehpelin world number one thar ni tur a ni a, mahse, final a lut thei ta lo a ni.

    World number one Osaka chu hma takah a tla a, quarter-final-ah number  2 Petra Kvitova a tla bawk a, hemi avang hian Halep chuan final a luh hrim hrim chuan world number one a ni dawn tih a hre tawh a, mahse, world no 7 Pliskova lakah a chak zo ta lo a ni.

    Kvitova hnehtu  Ash-leigh Barty chuan Estonia nula Anett Kontaveit chu 6-3 6-3 a hnehin final a lut ve bawk. Barty hian kum 2015 khan tennis aia cricket a tui zawk avangin cricket khel turin tennis a chawlhsan zawk a, mahse, 2016 khan tennis a rawn khel leh a, a rawn che \ha chho viau a ni.

    Miami Masters mipa lamah Roger Federer chuan kum 37 ni tawh chungin a thiamna a la hloh lo tih a lantir zel aSouth African pa sang Kevin Anderson chu 6-0 6-4  in a hneh a, semi-final a lut.

    Anderson hian ATP tournament-ah set khata game khat mah a lak loh vawi khatna a ni.

    Federer hian semi-final-ah Canada mi, kum 19-a upa Denis Shapovalov a tum leh dawn a, an vawi khat intumna tur a ni.

    No comments

    Post Top Ad

    Post Bottom Ad