• Breaking News

    Hmeichhe Inkhawmpui lian a tiak

    Zoram pumhuap hmeichhe Inkhawmpui Lian chu nizan khan a \iak a, 2021 hian East Lungdar-ah Inkhawmpui lian hi neih leh a ni ang.

    Inkhawmpui hi Zirtawp zan a\ang khan \an a ni a, Inrinni khan Diakkawn Presbyterian Kohhran Biak Inah rorel neih niin thurel zingah 'Inkhawmpui lian neih loh kumah Aizawl pawn lamah rorel inkhawm neih' an remti a, chhiatni \hatni-ah hmeichhiate puan bih in zirtir \hat leh bakah rampum huapin naupangte zinga rawngbawlna (child evangelism), hmeichhia-ten uar zawka hmalak te, Inkhawmpui Lian pualin rampum huapin Kohhran Hmeichhe ni-ah thawhlawm thawh leh kumin 2019 chhungin Synod Hospital, Durtlang Charity Fund leh John Williams Hospital, Lunglei pualin Kohhran Hmeichhe inkhawm thawhlawm vawi khat ve ve lakkhawm an remti bawk.

    Tun \um inkhawmpuiah hian 'Tunlai thil awmzia' (Rom 13:11) tih hmangin Speaker Rev. Dr R Vanlaltluanga, ATC hnen a\angin sermon ngaihthlak \hin a ni a, hriattheih chinah palai hi 9260 riakin Kolasib khawpawn mi zingah 200 chuang chu langin an kal \hin. Tun \um Inkhawmpui lianah hian hruaitu thar thlan nghal niin nakum March 6-8 chhung hian Ramhlun Venglai-ah rorel inkhawm neih a ni ang.

    Kohhran Hmeichhe Hruaitute
    Chairman     : Pi Lalrinkimi (Synod ruat)
    Vice Chairman     : Pi Lalrinpuii
    Secretary     : Pi H. Lalfakmawii(Synod ruat)
    Asst Secretary    : Pi Lalngaihzuali
    Treasurer     : Pi Vanlalrovi
    Fin. Secretary     : Pi Lalsangluaii

    No comments

    Post Top Ad

    Post Bottom Ad