• Breaking News

    Hazard a nui

    Chelsea-a star langsar ber ni mek Eden Hazard chuan tun nipuiah Real Madrid a zawm dawn ni awma sawi leh zawm turin inremna an nei fel  tawh tih chu dawt a nih thu a sawi.

    Hazard hian Stamford Bridge-ah hian nipui thleng leh tur thleng chauh contract a nei tawh a, hetih lai hian Real Madrid-in season leha an player ni turin an be reng a. Hetih lai hian Real-ah hian an manager hlawhtling Zinedine Zidane chu a lut ve leh chiah bawk a. Hemi avang hian Belgium star hian Real hi a pan mai rinna a lian hle a ni.

    Hun eng emaw lai khan Hazard hian Real nena an inkar hi sawi chhuak zauhvin, Real zawm hreh lo ni awm takten a \awng \hin a. Mahse, tunhnaia an ram tana khel tura club a chhuahsan laiin Real nena inremna nei tawh anga an sawi chu a dik loh thu nui chungin a sawi.

    Hazard chuan, “Real nena inrem tawh anga report awm hi a dik lo. Ka rilrua awm mek lai chu Belgium ram tana ka khelh leh tur chiah hi a ni rih. A bak ngaihtuah ka nei lo,” a ti a ni.

    Hazard hian Ningani khan Russia nen an inkhelh \umin goal hnih a khung a. Chawlni zan khan Cyprus nen inkhel lehin, an ram tana match 100 a khelhna a ni a, goal khat a khung belh leh bawk a ni.

    Chelsea hian Hazard hi  an hralh phal lo hrim hrim a, chu bakah player lei thei lova hrem an nih avangin Hazard hi hralh thei pawh an ni chiah lo.

    No comments

    Post Top Ad

    Post Bottom Ad