• Breaking News

    Haryana-ah AIIMS

    Union Cabinet chuan Haryana state-a Rewari district-a Manethi-ah cheng vaibelchhe 1,299 sengin All India Institute of Medical Sciences sakna tur a pawm a. Hetah hian director pakhat dah a ni ang,

    AIIMS-ah hian undergraduate zirna seat 100 a awm ang a, BSc (Nursing) zirna seat 60 a awm dawn niin sawi a ni a. Sorkar thuchhuah tarlan danin, Super Speciality department 15 a\anga 20 awmin, dam lo mutna tur khum 750 a awm bawk ang a. Ni tin OPD-ah dam lo sang khat en thei tura ruahman a ni bawk.

    Medical college awmin, AYUSH block, night shelter, hostel leh residen-tial facility te a awm dawn a. Helai biala doctor leh nurse indaih lohna a phuhru nasa hle dawn niin sorkar chuan a sawi bawk.

    He AIIMS thar hian faculty leh non-faculty hnathawk sang thum vel a mamawh dawn avangin hna thar a siam nasa hle dawn a. Shopping centres, canteen leh mamawh dang tam tak a bul velah a awm dawn a, chu chuan hna nei lo tam tak hna a pe bawk dawn a ni.

    Hemi bakah hian Cabinet chuan AIIMS, New Delhi chu “world class medical university” ah siam tura ruahmanna awm chu an pawm bawk a. He ruahmannaah hian a buil-ding tihlen te, a ram zauh te telin, khawvel huap pawha damdawiin \ha leh changtlung ni tura chei a ni dawn tih Union minister pahnih - Arun Jaitley leh Ravi Shankar Prasad-te chuan an sawi a ni.

    No comments

    Post Top Ad

    Post Bottom Ad