• Breaking News

    H&FW Dept. Secy-in Kawnpui PHC tlawh

    Kawnpui PHC (File Photo)
    Inrinni khan Pu H Lalengmawia, IAS, Health & Family Welfare Dept Secetary chuan Kawnpui PHC a tlawh a, Doctor & Staff te bakah VCP-I, VCP-III leh VC-II aiawh bakah MNF Group leh Block aiawhten an lo dawngsawng a ni.

    Pu Engmawia chuan Kawnpui PHC chu amah pawhin a hriatchian thu te bakah an harsatna hrang hrangah hmalakpui a inhuam thu a sawi a, tun sawrkar-in a ngaih pawimawh pahnih chu Zirna leh Hriselna a ni a, Health Dept Minister-in amah pui tura a sawm angin Hriselna kawngah theihtawpin hma an lak tur thu a sawi.

    Khawtlang hruaitute chuan Kawnpui PHC dinhmun \ha zawka hlan-kai te, X-Ray khawl thar te, Dental Surgeon te bakah Medical Compound Fencing a \ul thu te, Mualvum Doctor Transfer sut leh tura Block lam tena an hmalakna chu lo bawhzui turin an ngen bawk a ni.

    Health Dept Secy chuan Mizoram pumah Doctor indaih lohna avangin Health Dept hnuaia Doctor thenkhat Home Dept in an rawih mek Sipai hmuna awmte pawh let an ni a, Mualvum Doctor lakchhuah pawh inlo hriatthiam rih a ngai a, Sorkarin Doctor lak belh a tum a, a rang lama hnawhkhah leh vat a tum a ni a ti. Tin, Dept anga hmalak a chak theih nan Health Minister lamah Khawtlang leh Party hruaituten nawr chak turin leh hmalakhopuiah a sawm bawk a ni. Sorkar-in tun dinhmunah hmalak tharna turin sum a la ruahman lova, Budget pangngai tak a siam hnuah Dept anga hmalakna thar pawh a awm thuai ang a ti bawk.

    No comments

    Post Top Ad

    Post Bottom Ad