• Breaking News

    Guardian of the Galaxy director atan James Gunn bawk an ruai nawn

    Director James Gunn chu Guardians of the Galaxy 3 direct tura chhawr a ni leh ta a. Hemi hma hian Disney chuan kum sawm vel kaltaa pawngsual leh mipat hmeichhiatna thila mawi lo taka inchhawn-chhaihna chungchang, fiamthu thawhnana Twitter -a a post vangin director a\angin an ban a. Mahse, an la lut leh ta a nih hi.

    Director a\anga Gunn  ban a nih chungchangah hian Marvel series-a a changtu zinga pakhat, langsar tak ni-a an sawi pakhat chuan Disney hnenah hian Gunn hi director atana la lut leh tura ngenin lehkha a thawn a. Hmei hnu hian Disney chuan la lut lehin, Gunn chuan Twitter-ah a lawm thu a sawi nghal a. “Hmangaihnain min phuar vel dan, kan zavaia min phuatu chungchang film-a siam hna ka thawk leh tur hi ka phur khawp mai,” tiin a tweet a ni.

    Gunn hi nikum July thla khan a tweet avangin Disney chuan ‘humhim ngaihna awm lo’ tiin an ban a. Mahse, Marvel film hmasa pahniha star-te chuan Gunn hi langsar takin an support thu an sawi a. Amah \antute zingah hian  Bradley Cooper, Chris Pratt, Zoe Saldana, Vin Diesel leh Dave Bautista-te pawh an tel.

    Guardians of the Galaxy series hi a hlawhtling hle a, khawvel pumah dollar tluklehdingawn 1.6 a la lut tling a. A film hmasa aiin a film pahnihna khan pawisa a la lut hnem zawk lehnghal a ni.

    Gunn hian Twitter-a fiamthu a lo thawh chu pawi a tih thu sawiin, ngaihdam a dil nghal a. Hei hi Disney hotute chuan ngaihtuahin, thla eng emaw zat liam tawhah khan director atana lak luh leh hi an lo remti tawh niin sap chanchinbute chuan an ziak.

    Hetih lai hian Gunn hian Suicide Squad 2 a buaipui mek avangin a zawh veleh Guardians of the Galaxy 3 hi a buaipui leh nghal dawn a. Suicide Squad hi Marvel elpui DC film siam a ni.

    Ban a nih hma khan Gunn hian Guardians movie pathumna atan hian a script a ziak zo tawh tih a lo sawi tawh a ni.

    No comments

    Post Top Ad

    Post Bottom Ad