• Breaking News

    Golden Jubilee Conference hmang

    United Pentecostal Church of North East India, Kawnpui Bial Ladies Auxiliary Department (LAD) chuan March 15-17, 2019 khan Kawnpui Venglai Biak Inah Golden Jubilee Conference an hmang a. He Golden Jubilee Conference hi District lama LAD Secretary Sis. Laldawng-liani leh Treasurer Sis. K. Lalrokimi ten an rawn hmanpui a ni.

    Zirtawpni zanah conference rorel neih a ni a, official agenda 5 leh Kohhran hrang hrang atanga agenda lut 7 te rel a ni. Missionary pahnih chawm te; Thianghlimna leh Chhungkaw Maicham tih thupui hmanga crusade neih te; LAD Day vantlang tana thil \ha tihna atana hman te; ASC Home Khuangpuilam Kolasib-ah Jubilee puala thilpek hlan te leh kumin chhung ngeia bial pawn fehchhuah te chu an thurel langsar zual a ni.

    Inrinni nilengin Jubilee pualin variety programme hman a ni a. Jubilee dar vuak a ni a. Chawhnuah Pastor Quarter kawt-a Jubilee Monument hawn a ni. Monument hi Bialtu Pastor Rev. C. Lalramthanga chuan a hawng a. Hemi ni tlai hian Jubilee puala buatsaih ruai kilho a ni bawk.

    Jubilee pual veka buatsaih Souvenir (Lehkhabu) chu Inrinni zan inkhawmah Sis. Laldawngliani, North Mizoram District LAD Secretary chuan a tlangzarh a. Inrinni zan  hian kum 1969 - 2019 chhunga Bial LAD hruaitu lo ni tawh zawng zawng te hnenah chawimawina thilpek hlan a ni bawk.

    Golden Jubilee Conference-ah hian hruaitu hlun chawimawina te pawh neih niin, chawimawina certificate hlan an ni a; kum 2018 chhunga buhfaitham tham tha zual mi pathum hnenah lawmman pek an ni bawk a ni. Hei bakah hian kum 70 chunglam (LAD member bik) hnenah lawmman/chawimawina pek an ni bawk.

    Kawnpui Bial LAD te hian kum 2019 budget atan Rs. 128000/- an pawm a. Tun dinhmunah Kawnpui bialah hian LAD member 243 an awm mek a ni.

    Kawnpui Bial LAD hi kum 1969 khan din tan niin, hemi kum hian hruaitute pawh siamfel nghal a ni a. Kum 1970 ah conference hmasa ber an nei a. He kum 50 chhung hian bial hruaitu mi 44 awm tawhin, bialtu pastor 11 an awm tawh bawk

    Kawnpui bial chhungah hian Kohhran 7 bakah Missions field pakhat leh Preaching Point pakhat a awm mek a ni.

    No comments

    Post Top Ad

    Post Bottom Ad