• Breaking News

    Gay tan Beyonce chuan award a hlan

    Beyonce chuan 2019 Glaad award, a pasal Jay-Z nena an lak avanga a lawm takzet thu a sawi.

    Glaad award hi gay-te dikna leh chanvo humhalh leh anmahni \an zawnga hma la nasa mi larte hnenah hlan a ni \hin a. Kumin hian LGBT rights an support \hat avangin Beyonce-te nupa hnenah hian hlan a ni ta a ni.

    Beyonce chuan an nupaa an chawimawina dawn chu a patea, gay tho, HIV vanga boral ta hriat reng nan a hlan thu a sawi a. “He chawimawina kan dawn hi uncle Johnny, gay mihring ka hriat tawh zawng zawnga fel ber leh \ha ber tan ka hlan a ni. Ani hian ka unaunu a \anpuiin a chawm lian a ni,” a ti a. “HIV natna a vei a, na taka a awm lai hmuh kha ka dam chhunga hmuh hrehawm ka tih ber a ni nghe nghe.

    “A dam chhungin LGBT (QIA) te rights atana a beihn nasatzia ka hria a, a inpekna khan naupang zawkte nunah zalenna a thlen ngei ka ring a ni. LGBTQIA rights hi human rights a ni,” tiin, thiam takin a sawi.

    A pasal Jay-Z pawhin he hunah hian thu sawiin, “Glaad-in hetiang chawi-mawina hlu tak min hlan hi kan lawm a ni.

    “Nun hi khualzinna a ni a, chu khualzinna ramah chuan nuam leh hrehawm tam tak a awm a, englai pawhin a hrehawm reng lo va, a nuam reng hek lo. Zanin hi keini nupa tan chuan ni chhinchhiahtlak, hun nuam bik a ni.

    “Nikum khan ka nu-in  chawimawina a dawng ve tawh a, ani chawimawina atan pawh he award hi ka duh a ni,” a ti.

    Jay-Z nu Gloria Carter hi gay a ni a, nikum khan Glaas awards-ah hian Jay-Z-a hla, ‘Smile’ a a  lan ve avangin ‘Special recogni-tion award’ an hlan ve mauh a ni.

    Glaad awards-ah hian  Expert twerker leh professional flautist Lizzo chuan a hla hit, ‘Juice’ chu a rawn sa a, a twerk leh nasa hlep hlep teh e..

    Love, Simon chuan  outstanding film award a la a, Queer Eye chuan Outstanding reality TV programme chawimawina a dawng bawk.

    US series Vida, Mexican-American unau pahnih, an nu thi tawh chu a thih hma khan hmeichhia nen an lo inkawp \hin tih an hriat chhuah tak chanchin vel an chan chhuahna chu outstanding comedy series award hlan a ni thung.

    Glaad awards semna inkhawm hi Will and Grace star Sean Hayes chuan a host a. HBO documentary film - ‘Believer’ chu Outstanding Documentary award hlan a ni bawk.

    No comments

    Post Top Ad

    Post Bottom Ad