• Breaking News

    Gambhir-a’n BJP a zawm; Lok Sabha inthlan chuh a tum an ti

    India cricketer hlui Gautam Gambhir chuan a hringnunah innings dang kai tumin Zirtawpni khan Bharatiya Janata Party (BJP) a zawm a. Lok Sabha election lo awm turah chuh a tum ni-a hriat a ni.

    Gambhir hi New Delhi-ah BJP hruaitu hlun leh Union Minister ni mek Arun Jaitley leh Ravi Shankar Prasad-te chuan an lawm lut a. Jaitley leh Prasad-te chuan Gambhir chu cricket thiam hming-thang a ni tiin an fak nasa hle a. Gambhir pawhin BJP hruaitute chu nasa taka fakin, “Kan Prime Minister Narendra Modi mizia leh a hmathlir hian min hneh hle a. Cricket lamah ka ram tan ka theih tawk ka lo thawk ve tawh a. Tunah chuan politics field-ah ka inhmang ve leh dawn ta a, hetah pawh hian ka ram tana ka theihna sang ber hman ka tum dawn a ni,” tiin BJP a zawm chhan a sawi a ni.

    Gambhir hian Chandni Chowk constituency chu tun Lok Sabha inthlanpuiah hian a chuh dawn niin sawi a ni a, mahse, Jaitley chuan official-in a la puang thei lo va, candidate-te dinna tur bial tihfel chu BJP election committee-in an la rel fel leh tur a ni a ti.

    Kum 37-a upa Gambhir hian cricket a khelh avang in fan tam tak a nei tih chu a chaing a. Mahse, politics a khelh hnuah hian a fan-te chuan an zui zel dawn em tih erawh a hriat loh va. India ram tan hian kum 13 chhung zet cricket a lo khel tawh a, kum 2011 a India, World Cup-a an champion \um khan player pawimawh tak a ni nghe nghe.

    Test match-ah century vawi 9 leh ODI-ah century vawi 11 vaw chhuakin, Padma Shri chawimawina hlan a ni a. Nikum December thla khan cricket a chawlhsan a ni.

    No comments

    Post Top Ad

    Post Bottom Ad