• Breaking News

    Finance Commission-ah vbc 94,647.3 dil

    Nimin khan Fifteenth Finance Commission Chairman Pu Pu N. K. Singh leh Member te - Pu A.N. Jha leh Dr. Ashok Lahiri leh Member Secretary Pu Arvind Mehta te chu zan khat riak turin an thuihhruai Fifteenth Finance Commission Officer te nen Mizoram an lo thleng.

    Fifteenth Finance Commission hian chawhnu dar 3 khan Mizoram New Capital Complex Conference Hall-ah Mizoram Sawrkar hotulu te - Chief Secretary Pu Lalnunmawia Chuaungo leh Commissioner leh Secretary te nen meeting chhawng thum an nei a. Meeting chhawng khatnaah Mizoram sum mamawh te thlenin an mamawh chhan te an sawifiah ni a ni. Meeting chhawng hnihnaah hian khawpui inrelbawlna leh enkawl-na (Urban Local bodies) dinhmun tarlan niin Project proposal thar atana sum mamawh te thlen a ni a. Meeting chhawng thumnaah hian Village Council te tih changtlun zelna atana sum mamawh te thlen niin hengte hi sawifiah a ni.

    Meeting ah hian Secretary (Finance Commission) Pu Lal-malsawma'n Mizoram sum leh pai dinhmun leh sum mamawh dan te tarlanna (presentation) a nei a. Finance Commission hmasa te sum pek (Grant) chu leiba tih hniam nan te leh hmasawnna hna thawh nan Sawrkarin a hman tangkai thu Chief Secretary Pu Lalnunmawia Chuaungo chuan a sawi bawk a ni. Mizoram chu khuarel chhiatna a bik takin lei min leh lei tlahniam te a tawh hnem avangin State Disaster Relief Fund leh State Disaster Mitigation Fund atan sum phal taka pe turin ngen a ni bawk.

    Mizoram Sawrkar in Fifteenth Finance Commission ah hian cheng vaibelchhe 94,647.33 a dil a. Chungte chu Pre Devolution Revenue Deficit Status atan cheng vaibelchhe 57,737.38; Capital Expenditure mamawh phuhruk nan cheng vaibelchhe 17,357.90; State Asset-te enkawlna atan cheng vaibelchhe 5779.00; 7th Central Pay Commission Mizorama kalpuina atan  vaibelchhe 1283.70; State Disaster Relief Fund leh State Disaster Mitigation Fund atan cheng vaibelchhe 1000.00; Local Bodies( Village Council, Urban Local Bodies, Autonomous District Council-te leh Sinlung Hills Council) atan cheng vaibelchhe 2292.39; Forest Maintainance atan cheng vaibelchhe 1450.00 leh State Specific Needs atan cheng vaibelchhe 7746.96  te a ni.

    Finance Commission hi kum 5 dan zela Ram Danpui in a phut angin din a ni thin a, an hnathawh ber chhiah hrang hrang atanga sum tlingkhawm State-te pekchhuah dan leh a zat rawt te, State-te sum mamawh dan lo enfel te a ni a. Mizoram tiamin Fifteenth Finance Commission hian tun thlengin state 20 an tlawh tawh a, Tukin zing hian Delhi ah an haw thla dawn a ni

    No comments

    Post Top Ad

    Post Bottom Ad