• Breaking News

    Feyenoord manager tur Jaap Stam

    Manchester United leh Netherlands defender hlui Jaap Stam chuan season tharah Giovanni van Bronckhorst thlakin Feyenoord boss a ni dawn.

    Kum 46-a upa Stam hi nikum March thla khan Reading-in an ban a, tunah hian PEC Zwolle a enkawl mek a. Van Bronckhorts chuan Januaru thla khan tun season tawpah Feyenoord hi a chhuahsan dawn tih a lo puang tawh a. Stam chuan, “Ka hmalam hun atana ruahmanna ka siam te PEC Zwolle-in min hriat thiampui a, rang taka Feyenoord nen inremna an isam avangin ka lawm khawp mai,” a ti a. Feye-noord technical director Martin van Geel nen an inbiak hnuah Feyenoord enkawl chu awlsam takin a duh ta mai niin a sawi a. “Zwolle ka enkawl chhung chuan theihtawp ka la chhuah zel dawn a ni,” a ti.

    Stam hian Zwolle hi game thum a enkawl tawh a, a enkawl tirha relegation zone-a awm kha tunah chuan an chhuak tawh a. Feyenoord hi Stam-a club hlui Ajax leh Dutch league hmahruaitu PSV Eindho-ven hnuaiah, pathumna an ni mek a, Dutch champion vawi 15 ni tawh an ni.

    Stam hi 1999 kuma trophy pathum la thei Manchester United team-ah khan a khel a, Lazio leh AC Milan-ah te pawh a lo khel tawh \hin a. A hun lai chuan defender \ha ber leh man to ber te pawh lo ni \hin a ni.

    No comments

    Post Top Ad

    Post Bottom Ad