• Breaking News

    Federer-a’n title 100-na a la e!

    Roger Federer chuan ATP Tour title 100-na chu a la ta nge nge e. Dubai Tennis Championships-ah Federer hi a champion a. ATP title a lak hmasak ber, Milan-a a lak a\anga ni 6,600-naah chiah a title 100-na hi a la a ni.

    Kum 37-a upa Federer hian Dubai Open final-ah hian Greece tlangval Stefanos Tsitsipas chu 6-4 6-4 a hnehin title 100-na hi a la a ni.

    Federer hian a ATP title hmasa ber chu kum 2001 February ni 3 khan Milan Indoors-ah a la a. Khami final-ah khan France tlangval Julien Boutter a ni a. Kum 2005 khan a chawl daih tawh!

    Vawiina ATP ranking tihchhuaha world number 4 thar ni tur Federer chuan, “Tunah chuan ka duhthu-sam chu a takin ka hmu ta e,” tiin, a champion zawh chiahin a sawi.

    Tarlan fo tawh angin Federer hi ATP title 100 la tling thei pahnihna a ni a. Kum 1983 khan American player Jimmy Connors chuan century a lo siam tawh a, ani hian century a siam hnuah title 9 a lak belh leh a, Federer hian a record hi khum thei tak maw?

    Federer hi Dubai-ah vawi 8 a champion-na a ni a. Tsitsipas hi Marseille-a champion zo hlim a ni a, Dubai-ah final a lut leh nghal a. Federer chuan fakin, “Marseille a cham-pion zo chiah a, Dubai-ah final a lut leh a, a che \ha em em a ni. Final vawi hnihah a zawna chak hi thil har tak a ni. ATP title ka lak hmasak ber khan Stafanos hi a piang tawh em ka hre lo a,” a ti a. (A piang tawh. 1998 a piang a ni) “Nakina world champion la ni tur nena final kan khel thei hi ka lawm a. Ani pawh a lawm ka ring. A chhan chu tleirawl te ni chunga Pete Sampras leh Andre Agassi-te ka khel hman kha kei pawh ka lawm em em a ni. Ka tel emaw tel lo emaw, Tennis hi Stefanos-te avang hian a hmuhnawm reng dawn tih ka hria a ni,” a ti bawk.

    Greek mi Tsitsipas pawh hian Dubai-a final a luh avang hian ATP ranking tihchhuah tharah a vawi khat nan top 10-ah a lang dawn a ni.

    Federer hian title 100 a laknan hian final-ah mi hrang 50 a tum a, ram hrang 25 a mi a tum bawk. Tsitsipas nen hian vawi hnih an intumna a ni a, a hmasa ber chu Australian Open khan a ni a, Tsitsipas hi a chak a ni.

    No comments

    Post Top Ad

    Post Bottom Ad