• Breaking News

    Federer a chak zel

    Roger Federer chuan Marton Fucsovics hnehin Dubai Tennis Champion-ships semi-final a lut.

    Federer hi ATP title 100-na la thei a nih tawh avangin a inkhel hian ngaihven a hlawh a. Hungary world number 35 Fucsovics lakah hian chuti takin a chungnung lo va, mahse, 7-6 (8-6) 6-4 in  darkar khat leh minute 57 chhungin hnehna a chang ta tho a ni.

    Federer hi Dubai-ah hian a champion a nih chuan tennis player piang tawh zinga ATP tile 100 la tling thei pahnihna a ni dawn a. American Jimmy Connors chuan title 109 a la tih kan sawi tawh kha.

    Semi-final-ah hian he tournament-a 6th seed, Croatia player Borna Coric chu a tum leh dawn a ni.

    Coric hian darkar hnih leh minute 27 chhungin Georgia mi Nikoloz Basi-lashvili chu 4-6 6-2 7-6 (7-1) in a hneh a ni.

     Semi-final dangah Greece player Stefanos Tsitsipas chuan Frenchman Gael Monfils a tum leh dawn a. World number 11 Tsitsipas hi Australian Open-ah khan Federer hnehtu a ni a, kum 20-a upa niin, tennis player rawn \ha chho ber tura ngaih a ni.

    No comments

    Post Top Ad

    Post Bottom Ad