• Breaking News

    Everton-in Liverpool an chelh; Man City-in hma an hruai e

    Chawlhni zan Premier League inkhelah hun rei tak hmahruaitu Liverpool chu Everton-in an mikhual a, goal awm lovin an lo draw a. Inrinni zanah Manches-ter City an chak si a, Liver-pool hi point khatin an lehpel leh ta a, champion lai City chu hmahruaitu thar an ni ta a ni.

    Goodigon Park-a inkhelah Liverpool hian chak ngei ngei an mamawh a, chu chu hriain Everton hian goal khungtir loh an tum hle a; an tumah Everton an hlawhtling a. Everton goalkeeper Jordan Pick-ford a che \ha hle a, first half-ah Mohamed Salah goal khung tur a dang a, Salah hian second half-ah pawh chance \ha tak a nei a, Michael Keane chuan a lo dang chat leh hman.

    Liverpool goalkeeper Alisson chu Everton player-ten an tibuai khat hle a, Dominic Calvert-Lewin chuan dive chungin a tauh a, Alisson chuan a lo dang \ha hle a. Kar hmasa lama Old Trafford-a an khel ang khan Liverpool chu club \ha zawk an ni a, chance pawh an nei \ha a, mahse, a pawimawh ber goal an khung thei si lo a ni.

    City chu he inkhela lawm ber an ni maithei a, chutih laiin Everton fan-te pawh an huat ber Liver-pool champion tur dangtu ang hiala inngaiin an lawm hle bawk.

    Egypt star Salah chu Nilaini-a Watford laka si nga faia an chak loh khan a khel \ha hle a, mahse, Everton lakah erawh a che ropui lo hle thung a. Liverpool tna innghahna tlak a ni ta lo niin a lang lek lek a ni.

    Liverpool hi champion tura rinkai an la ni reng a, mahse, December ni 7 a\anga hmahruaitu kha an ni a, City-in an lehpelh leh tak avangin club dangin an nuihsawh leh \an ta.

    Liverpool hian top 6 club Tottenham leh Chel-sea an la tum dawn a, City hian Tottenham leh Man-chester United an la tum dawn bawk a. Heng fixture-te hi a pawimawh hle tawh tura ngaih a ni.

    Inkhelh banah Liver-pool manager Jurgen Klopp chuan, “Team \ha zawk kan ni a, mahse, kan \ha tawk lo. Kan \ha ve tho a, Everton laka point khat hmuh hi thil lawmawm a ni, a chhan chu anni hi away-a kan harsatna ber an ni \hin si a.

    “March thlaah hian a chung bera awm kan duh a, mahse, game tam tak khelh tur a la awm a, chu chu a lawmawm a ni,” a ti.

    Everton manager Marco Silva chuan, “Ka naute ka chhuang hle. Kan stadium boruak pawh a nuam a, match hahthlak tak ni mah se kan inhneh tawk hle. Match a la tam a, match tin hi final anga kan khelh a ngai tawh a ni,” a ti ve thung.

    Liverpool leh Everton hi League-ah vawi 200 intum tawhin, vawi 34 chu goal awm lovin an in-draw tawh a. English league history hrim hrimah he mite hi goal khung lo ve ve-a in-draw ngun ber an ni a, Everton an lawm zawk \hin.

    No comments

    Post Top Ad

    Post Bottom Ad