• Breaking News

    England-in a zawnin goal 5 an khung nawn, Montenegoro an hneh

    England chuan Zirtawp zanah Czech Republic chu 5-0 in an sawp tawh a. An tifuh emaw tih theih ni mah se, a ni lo tih lantir nan Thawh\an zan khan Montenegro lakah si phur hmasa mah se goal 5 an khung leh tho a, 5-1 in hnehna an chang. Euro 2020 qualifying Group I-ah vawi hnih khelhah point 6 hmuin, goal 10 an khung a, goal khat an chhuah a, an dinhmun a \ha hle.

    Manager Gareth Southgate chuan player naupang lam chance a pe a, Declan Rice leh Callum Hudson-Odoi-te chu a luhtir hmasa a. Minuste 17-na lekah Montenegro tan Marko Vesovic chuan goal mawi tak khungin England a rawn barakhaih a. Hemi hnu hian England hi an tal buai chuang lo va. Everton defender Michael Keane chuan Chelsea-in Everton a\anga an lei Ross Barkley free-kick chu tauh goal-in an si phurh a sut a; England tana a goal khung hmasak ber a ni.

    Hemi hnu hian Barkley hian Chelsea-a a khelhpui Hudson-Odoi shot an dan per chu awlsam zetin a khung a, England-in half-time-ah 2-1 in hma an hruai  a ni.

    Second half-ah Bark-ley hian Raheem Sterling siamsak a khung leh a, Sterling hian Harry Kane tan a siamsak leh hnuah goal khat a rawn khung belh ve leh bawk a, England chu an chak chiang hle a ni.

    Het inkhelah hian Montenegro fan-te chuan England player zinga vun dumho an hmusit hle a, an au nawmnah a, field chhunga an awm lai an rawn vawm bawk a. Sterling chu auh nawmnah a ni a, Hudson-Odoi  pawh an rawn vawm a. Spurs defender Danny Rose pawh yellow card a hmuh rualin an auel nasa ngang mai a. England chuan Uefa-ah vun rawng vanga inhmuhsitna chung-chang hi report an tum.

    Sterling hian England tana game 2 a khelhah goal 4 a khung a, assist vawi hnih a nei bawk a. A che ngap thei khawp mai.

    England hi Southagate -a hnuaiah an che \ha hle a, Kum 2009 October thlaa Ukraine laka an tlawm hnuah European Championship leh World Cup qualifier an khelh reng rengah tlawm an la nei miah lo a. Tunah hian England hian \ha chho tawlh tawlh niin a lang a. Tournament stage sangah erawh an la che fu thei rih lo a ni.


    Giroud a ropui zel

    France chuan Euro 2020 qualifying match-ah Iceland 4-0 in an sawp a. Hetah hian Oliveir Giroud chuan goal khungin, France ram tana goal khung hnem pathumna a ni ta.

    France tan Samuel Umtiti chuan goal hmahruai a khung a. Giroud chuan Benjamin Pavard-a cross chu goal-ah a chantir a. Kum 32-a upa Giroud hian an ram tan match 89 khel tawhin, goal 35 a khung ta a. David Trezequet (34 goals) lehpelin, France ram  goal khung tam lamah 3-na a ni ta a. Michel Platini (41) leh Thierry Henry (51) te a la tluk lo a ni.

    Kylian Mbappe chuan France goal 4-na a khung a, hei hi Antoine Griez-mann siamsak a ni a, Griezmann hian goal 4-na a khung ve leh a ni.

    France hian Euro qualifying match hnih an khelhah goal 8 an khung ta a. Hemi hma hian Zirtawp zan khan Moldova chu 4-1 in an lo hneh tawh a. Group H-ah point ruk hmuin, point ruk hmu ve tho Turkey aia goal hniha an khung hnem zawk avangin Group leader an ni

    Euro 2020 Qualifier Results
    MONDAY 25TH MARCH 2019
    Turkey 4-0 Moldova
    Kosovo 1-1 Bulgaria
    Montenegro 1-5 England
    Luxembourg 1-2 Ukraine
    Portugal 1-1 Serbia
    Andorra 0-3 Albania
    France 4-0 Iceland

    No comments

    Post Top Ad

    Post Bottom Ad