• Breaking News

    Depp-a’n a nupui hlui a khing

    Lemchan thiam langsar Johnny Depp chuan a nupui hlui Amber Heard chu court-ah khingin, intih-hmingchhiat man a \hing.

    Lemchan thiam ve tho Heard hian nikum Decem-ber thla khan Washington Post chanchinbu-ah article ziakin, hetah hian a pasal hlui Depp-a’n in chhunga buaina a siam leh kut a thlak \hin chungchang a sawi avangin sawisel a hlawh nasa hle tih a ziak a ni.

    Depp chuan Court-ah lehkha ziakin, Heard hi englai mahin a khawih ngai lo va, hetianga thu theh darh hi a nupui hlui Heard hian hmingthan lehzual nana hman a tum niin a sawi a. Court-ah hian khingin, a tihhmingchhiat avangin dollar maktaduai 50 chawi turin a phut thu a sawi a ni.

    Heard hian kum 2016 May thla khan Depp hi in chhunga buaina siam ching a ni tih a sawi a. Kum 2017 khan in\henin, Depp hi a nupui hlui laka inthiar fihlim turin hriattir a ni nghe nghe a. Kum 2016 khan Heard hian a taksaa hliam te chu tarlangin, a pasalin in chhunga kut a thlak vang niin a lo sawi tawh a ni.

    Washington Post-a a thu ziakah hian Heard hian Depp hi a hming a sawi lang lo va, mahse, in chhunga buaina siam ching pakhat avanga a harsatna tawh chu a sawi chhuak a, mi tam takin an huat phah thu a sawi a. He a thil sawi chhuah avang hian film a chan tur pawh chantir duh loh leh te a ni a, fashion brand liante pawhin a contract an tihtawpsak a, mipa hi entertainment industry-in a hum ni tein a ziak bawk a ni.

    No comments

    Post Top Ad

    Post Bottom Ad