• Breaking News

    Dawrpui Biak In thiat dawn lo

    Aizawl Dawrpui Presbyterian Kohhran Biak In chu kum 1931 a Zosap Missionary Pu Mena hova sak ang chu tidanglam lovin thuam leh chei that ngai te siam that a ni dawn. Dawrpui Kohhran hian an Biak In hi sak that an tumna a rei tawh a; chutih laiin Mizorama Thil hlui humhalh leh endiktu pawl INTACH Mizoram Chapter chuan kum 5 kalta vel atang khan Biak hlui chu tidanglam lovin thuam that ngai te thuam tha zawk mai turin an lo ngen tawh a ni. Nimin zing khan Dawrpui Kohhran Upa leh INTACH hruaitute chuan Biak In thuam that dan tur hi a hmunah an enho a; Kohhran pawhin Biak In hlui chu thiat loh an remti ta a ni. INTACH hotupa Pu P Rohmingthanga (IAS Rtd) chuan ‘Mizoram in Hritage Biak In kan neih chhun a ni tawh a; Tourist tan pawh hmun pawimawh a la ni dawn a; Pulpit hlui te pawh a thar siam lovin la hman zel a ni ang’ a ti a. ‘Mizote hian kan thil hlui kan hloh nasa tawh a; a thar neih kan duhna avangin kan thiat zel a; humhalh tur Heritage pawh kan nei tawh mang lo’ a ti bawk.

    No comments

    Post Top Ad

    Post Bottom Ad