• Breaking News

    Dam chhuak zinga mi kha a thi ve leh ta

    Brazil ram football team pakhat - Chapecoense, kum 2016 kuma thlawhna chesuala an thih burh \um kha i la hria em? Khami \uma dam chhuak zinga paruk zinga pakhat chu lungphu chawlin a thi ve leh ta.

    Brazilian journalist Rafael Henzel (45) chu tunkar Thawhlehni khan a \hiante nen football an khelh laiin an inkhelhnaah a tlu a, damdawiin panpui a nih hnu lawkah a thi.

    Chapecoense chuan Henzel hi an club din thar lehna atana hmahruaitu leh sulsutu a ni an ti.

    Kum 2016 November  ni 28 khan thlawhna, mi 77 phur pakhat chu a tui a zawh avangin Colombia-ah a tla a, hetah hian Chapecoense player 19 zet an chuang a. Thlawhnaa chuang zingah hian mi paruk chiah an dam chhuak  a, chung zinga a vannei zual zingah chuan Henzel hi a tel a. Chapeco khawpuia radio station-a hnathawk, journalist langsar tak a ni.

    Chapecoense chuan, “A hun pumpuiah khan Rafael hian Chapecoense chanchin hi a sawi \hin a ni,” tiin an club website-ah sunna thu an ziak a. “He club hian Henzel hi a hre reng tawh dawn a, harsatna pal tlanga he club din thar lehna tura a thil tihte hi kum tam tak chhung kan sawi tawh dawn a ni,” tiin an ziak a ni.

    Henzel hi Nilaini a Chapecoense leh Criciuma ten Copa do Brasil tour-nament match an khelh tur a hmuna en turin a kal a. Mahse, hetiang hian vanduaina a tawk ta a, Chapecoense chuan Brazil FA hnenah an match chu sawn turin an dil a ni.

    Khatia, Chapecoense in vanduaina an tawh hnu khan Henzel chuan BBC in an kawmnaah passenger-te chuan an chet sual tur kha an hre lawk lo va, hrilh lawk an ni lo tih a sawi a. “|um turin minute 10 a\anga minute 15 vel chiah kan nei tawh tihin thlawhna tui a zo va, a khawlin hna a thawk ta lo va. Ka \hutnaah ka inhreng nghet a, a khawl chu a nung leh mai turah ka ngai a, mahse, chutiang chu a thleng ta lo a ni,” tiin an chet sual dan a sawi.

    Kha chet sualnaah khan Henzel hi a nak ruh pasarih a tliak a, an chet sual dan tak a hriat theih tawh loh thu sawiin, amah chu chhanchhuah    hnuhun ber dawttu a nih thu a sawi bawk.

    Kum 2017 khan an chet sual dan chanchin ziahna lehkhabu chhuahin Henzel chuan, “Ka duhthusam ber chu Chapeco khuaa kir leh a, ka ke ngeia Chapeco stadium chhunga field kha rah leh ka chak a ni. Chu ka duhthusam chu a thleng dik a, chutiang ti theia ka awm chu vanneihna ropui ber a ni tih ka chiang a ni,” tiin a sawi.

    Chapecoense-te chuan -na thlawhna che sualah khan Henzel bakah Alan Ruschel, Helio Zemper Neto, Jakson Follmann, Ximena Suarez leh Erwin Tumiri-te an thi lo a ni.

    No comments

    Post Top Ad

    Post Bottom Ad