• Breaking News

    Dalai Lama thlaktu tur India mi

    Tibetan Buddhism Spiritual leader Dalai Lama chuan a thih hnuah a pian nawn lehna chu India rama hmuh theih a nih tur thu a sawi a. India ram, kum 60 chhung zet a raltlanna ram chu amah thlaktu tur lo chhuahna tur a ni tiin, China-in amah thlaktu tur an ruat a nih chuan pawm tur a ni lo ang tih a sawi.

    Dalai Lama 14-na hian Thawh\anni khan he thu hi sawiin, Dharamshala-a-a a chenna inah thu thar la khawmtute a kawm a. He ni hi sipai anga inthuam danglama Tibet khawpui Lhasa a chhuahsan ni champha a ni bawk.

    Dalai Lama hian kum 1959 khan Tibet chhuah-sanin India ramah China ral hlauvin a lant chhia a. Tun thleng hian China lak a\anga zalenna chu a la sual ta zel a ni.

    China hian kum 1950 khan Tibet chu la in, tunah hian kum 83-a upa Nobel Peace laureate hi mi hlauhawm niin a la sawi ta zel a ni.

    Dalai Lama chuan a thih hnuah Beijing chuan Tibetan Buddhist-te hruaitu tur a ruat duh mai a rin thu sawiin, “Dalai Lama piang leh tur hi China chuan a ngaihtuah a, hei hi thil pawimawh tak a ni. Anni chuan kei aiin Dalai Lama thar an ngaipawimawh zawk a ni. Mahse, nakinah chuan Dalai Lama pahnih an awm maithei a, China ruat zawk erawh tumahin an zah lo ang,” a ti.

    China chuan Dalai Lama thlaktu tur ruat hi China hruaitute dikna chanvo a ni tih an sawi a, Dalai Lama hi China ram lal ruat a\anga in\an a ni an ti ve thung.

    1935-a piang tuna Dalai Lama hi kum hnih mi a nihin Dalai Lama piang nawn ni-a pawm a ni a. China sorkarin phal lo mah se China rama Tibetan maktaduai 6 chuangte chuan an hruaitu berah an pawm a. Tuna Dalai Lama hian kum 2001 khan politics-a a mawhphurhna a chawlhsan a ni.

    No comments

    Post Top Ad

    Post Bottom Ad