• Breaking News

    Corruption vangin Japan Olympic hotu a bang

    Japan ram Olympic Committee (JOC) hotupa chu kum 2020 Games Tokyo khuaa nghah tur a nih chungchangah corruption vangin a bang.

    JOC President Tsunekazu Takeda hi French prosecutor-te chuan an chhui a. Tokyo-in Olympic Games an thlen theihna tur hian Takeda hian thamna Euro maktaduai 2 zet a pe niin sawi a ni a. Kum 2013 khan kum 2020 Olympic Games thleng tur hi thlan a ni a. Tokyo bakah Madrid leh Istanbul-ten thlen an dil ve a ni.

    Takeda chuan, “Heti anga inpuhna hi ka ring thei lo. Thil dik lo engmah ka ti lo,” a ti a. Chutih rual chuan JOC inthlanah nihna chelh tumin a chuh tawh dawn lo tih a sawi a. “Ka rilru a na khawp mai. Hetianga buaina ka tawk hi hrehawm ka ti a, mahse, ka hun hman zawh erawh ka mawhphurhna a ni tih ka hria,” a ti a. Kumin June thla thleng hi hun a la nei.

    Hetih lai hian Japan sorkar chuan Tokyo-in Olympics thlen a tumna kawnga hma a lak dan chu a fel fai a, thil dik lo a awm lo tih an sawi reng bawk.

    Japan company pakhat chuan International Olym-pic Committee member, World Athletics hotu hlui Lamine Diack fapa hnenah pawisa an pe niin sawi a ni a. Diack-a fapa Papa Massata Diack pawhin thubuai a awrh ve tho a, chhui mek niin, a pha nasa hle bawk.

    JOC panel chuan kum 2016 daih tawh khan an pawisa sen chu consulting service hnena an pek a ni an ti.

    Takeda hi jumper niin, 1972 leh 1976 Olympics khan a lo tel tawh a, kum 2001 a\ang khan JOC Pre -sident hi a lo ni tawh a ni.

    No comments

    Post Top Ad

    Post Bottom Ad