• Breaking News

    China-in sipai thuam nasa dawn

    USA tih lohva khawvela sipai thuam chakna lama pawisa seng nasa ber China chuan kumin chhovah hian kum danga sum a hman aia tam sipai thuam chakna turin hman a tum tih an sawi a. China chu mi dangte tana ram hlauhawm a nih ngai loh thu an sawi bawk.

    Nikum khan China chuan an ram venhimna lama an budget hi zaa 8.1  in a tipung a. Heti lama a kum khat sum hman hi US dollar tluklehdingawn 175 zet a tling a, hei hi India ramin ram venhimna atana a sum hman let thum vel a tling hial a ni.

    Kumin chhunga an ram venhimna atana an sum hman tur zat dik tak chu vawiin hian Chinese Premier Li Keqiang chuan National People’s Congress (NPC) annual session-ah a puang chiang dawn a ni.

    Nimin khan NPC thu puangtu Zhang Yesui chuan hemi chungchangah hian media-te kawmin, China ramin an ram venhim na kawnga sum a hmang hnem \hin chu sawi fiahin, China ram sum hman chu ram hmasawn tawhten an ram venhimna atana an hman lak chuan la nep tak a nih thu a sawi a. “Ram dang tana harsatna siam ching an nih leh nih loh hi an ram sipai thuam \hatna kawnga sum an hman tlem leh tamah a innghat lo va, an foreign policy-ah a innghat zawk a ni,” a ti a. China defence budget hi an  budget pumpui a\anga zaa 1.3 vel chauh a ni thung.

    No comments

    Post Top Ad

    Post Bottom Ad