• Breaking News

    China defence budget 7.5% in a pung

    Khawvela ram venhim-na lama sum leh pai hmang hnem ber dawttu, US dawttu China chuan nimin khan an ram venhimna kawnga kumina an pawisa hman tur (2019 defence budget) chu an puang a. Nikum aiin zaa 7.5 in a pung a ni.

    Nimin khan China ram Parliament, National People’s Congress (NCP) ah draft budget puan a ni a. Hetah hian defence budget bik atan Yuan (China pawisa hming) trillion 1.19 an dah thu an sawi a. Hei hi US dollar tluklehdingawn 177.61 a ni a. India defence budget let thum laia tam a ni.

    Nikum khan China defence budget hi US dollar maktaduai 175 a ni a, kum 2016 budget a\anga a punna chu 8.1% a ni a. Kuminah hian kum hmasa aiin pung mah se, kum hmasaa a punna aiin kumina a punna hi a tlem zawk a ni.

    China hian kum 2015 hma lam zawng kha chuan an ram venhim-na atana an sum hman tur ruahman (defence budget) hi 10% chunglamin a tipung zel a, Kum 2016 a\ang khan 10% hnuailamin a pung ta thung a ni.

    USA chuan defence budget atan hian dollar tluklehdingawn 200 aia tam a ruahman \hin a, China chuan hei hi a hnaih chho ve tial tial a ni.

    Kumina India defence budget chu vaibelchhe nuai 4 vel a ni.

    No comments

    Post Top Ad

    Post Bottom Ad