• Breaking News

    Chapchar Kut kha

    Kawnpui
    Mizoten Chapchar Kut kan ngai hlu tawh hle a. Kan theih ang tawk pawhin kan inbuatsaih ve thin. Mipui rilru ah hian Kut hian hmun a luah thuk deuh deuh a; a lawmawm hle. Kan la hlut zual deuh deuh tur ah ngai ila. Kut kan hman dan pawh a ropui tial tial ang tih beisei bawk ang.

    Mizoram Sawrkar hian Chapchar Kut hi a duh pawimawh viau a. State Level ah pawh Minister kaihhruaina hnuaiah Deptt Officers te; NGO te nen Kut hman dan tur an rel thin. Sawrkar pawhin Kut hman nan sum leh pai a seng bawk a. Sawrkar Programme ang hiala ngaih a ni.

    District Level ah pawh District chhunga hotupa ber DC hovin Kut chungchang ngaihtuah a ni a. Sawrkar thil ang deuhin a kal a. Kut buatsaihtu tak tak leh a che vel tur erawh Sub Committee ang deuh siam a ni thin a. Chutah pawh chuan Sawrkar mi leh sa te; NGO hruaitute an tel bawk.

    Kawnpui-ah erawh chuan Joint YMA kutah kan dah deuh tlat niin a lang. YMA in Kut chungchang a ngaihtuah loh chuan midangin ngaihtuah kan tum ta lo emaw ni ? Kut kan hman dan ah Sawrkar Programme a ang lo deuh a; YMA Programme siam ang deuh mai chauh a ni a; Deptt lam Officers te pawh in sawm an nih vang chauhin an tel niin an inngai bawk a. Officers thenkhat phei chu Kut ni khan an Station ah pawh an awm lo nghe nghe a. A pawina phei chu a awm lo. Mahse Chapchar Kut kan buatsaih dan kha a kokim lo deuh em ni ang ?

    Kut buatsaihtu YMA lam hian nachang an hre lo nge? SDO(C) Office lamin bumtumtu turah an inngai lo zawk nge ? Hmun dang zawng zawng ah Sawrkar leh NGO ten lungrual taka an buatsaih laiin Kawnpui ah chuan Sawrkar a tel ve na lai a lang lo thin.

    Kut buatsaihna ah hian YMA chuan sum leh pai a mamawh nasa hle a. Hmun dangah chuan Sawrkar Deptt te nena an thawhho avangin Officers te pawh an tangkai viau. Mahse Kawnpui ah chuan YMA in a bul atanga a tawp thlengin Kut buatsaihna ah mawh a phur deuh a. A buaithlak dan a dang bik.

    GAD atangin Kut chungchang-a Sawrkar ngaihdan leh duh dan hriat tur a awm a; Chief Minister leh Minister dangte rilru hriat theih turin I&PR lamin an puangzar bawk a. Chutiang chiah chuan hmun dangah Kut hi buatsaih a ni a. Chuvangin Kawnpui hian zir thar tur kan nei niin a lang.

    Kum dangah Kut kan hmang leh dawn anih chuan SDO(C) kaihhruaina hnuai-ah Kut hi ngaihtuah thei tawh ila a duhawm khawp mai. Tichuan Sawrkar rilru leh mipui pawh hnai tak-ah a inthlungkhawm theiin a rinawm. Tun anga kan tih zel dawn chuan YMA in sum leh pai neih theih loh hun a nei ang a; chumi kumah chuan Kut kan hmang thei lo mai ang.

    No comments

    Post Top Ad

    Post Bottom Ad