• Breaking News

    Britain-ah Summer of 69 a hit lo

    Summer of 69 hla hi i hre tawh ang. Canadian singer Bryan Adams-a hla chuam a ni a, rock hymn, band hmasa ber a neih a\anga hmangaihnaa a tluk luh chhoh dan chan-chin a phuahna a ni a, Adams-a hla zinga ngaih-thlak hlawh ber, khawvel huap hla a ni mek a ni.

    Mahse, he hla hi UK-ah chuan a ropui lo va. Tihchhuah a nih kum, 1984 khan UK Chart-ah chuan 42-na a ni chauh. A chhan an zawh chuan Adams chuan nui chungin, “Radio 1 zawt rawh u. An play ngai lo, Heaven pawh an play lo, Run To You bak kha ka hla an play ngai lo a ni,” a ti.

    UK-ah play \ha duh lo mah se hun a rei telh telh a, Summer of 69 hi khawvel pumah a lar chho zel a. Commercial radio leh classic rock station hrang hrangah an play chuah chuah a. Tihchhuah a nih a\anga kum 30-ah chuan he hla hian gold disc a hmu der a. Adams-a hla zinga ngaihthlak hlawh ber niin, copy nuai 4 vel hralh a ni a. Tunah tak phei hi chuan Spotify-ah vawi maktaduai 280 vel an play tawh a, chu chu a disc nuai 6 vel hralh nen a inhen an ti a. A hla hit ber dawttu Everything I Do (I Do It For You) aiin a letin a lar zawk.

    Adams chuan, “Ka hla tam zawk hi chart-ah a thleng sang lem lo va, mahse, engtin tin emaw an rawn lar chho ve mai a, hun erawh a duh deuh,” a ti.

    Nikum khan Adams hian Taylor Swift chu Toronto-ah a Reputation world tour a lo pui ve a, hetah hian Summer of 69  hi a lar belh hle.

    No comments

    Post Top Ad

    Post Bottom Ad