• Breaking News

    Booker Prize sponsor-tu thar an awm ta

    Khawvela thu ziak mite chawimawina ngaihsan hlawh leh lar tak - Booker Prize chu hun eng emaw chen lo sponsor-tu Man Group chuan an sponsor tawh dawn loh thu an sawi hnuah kum nga lo awm leh tur atan British sumdawng hausa Sir Michael Moritz chuan a sponsor dawn.

    Man Group hian kum 18 chhung an sponsor a, he Prize hming pawh hi ‘Man Booker Prize’ tih a ni a. Mahse, tunah chuan Sir Michael leh a nupui Harriet Heyman-te charity pawl din - Crankstart chuan a sponsor tawh dawn a. Mahse, sponsor an nih avang hian he Prize hming ah hian an hming an tarlang dawn lo va, ‘Booker Prize’ tih rikngawt a ni dawn a ni.

    Sir Michael hi Welsh rama piang niin, San Francisco-a khawsa mek a ni a. Forbes magazine-in a tarlan danin a hausakna hi dollar tluklehdingawn 3.4 zet a ni.

    Booker Prize dawngtu te hnenah hian thuziak leh pound 50,000 hlan an ni \hin a. Nikum Booker Prize kha Belfast writer Anna Burns chuan a lehkhabu ‘Milkman avang-in a dawng a ni.

    Sir Michael hian Inter-national Booker Prize pawh a support bawk ang.

    Sir Michael hian Time magazine tana thu ziakin bul a \an a. Steve Jobs leh Apple biography hmasa ber chu kum 1984 kan a lo ziak tawh a. Hemi hnu hian Silicon Valley lamah inhnim phum thuk zelin, Sequoia Capital-ah a thawk a, Google, LinkedIn leh PayPal-ah te sum an invest a, heta \ang hian a hausa chho ta a. Kum 2013 khan British sorkar chuan pasal\ha - knight nihna a hlan a ni.

    A nupui Harriet Heuman hi Life leh New York Times tana thu ziak \hin niin, kum 1989 khan novel pawh a lo tichhuak tawh a ni.

    Sir Michael chuan a nupui nen ni tin lehkhabu an chhiar \hin thu a sawi a. “Booker ang bawk hian kei pawh hi Britain-a piang ka ni a, America rama ka pem hmain English thu leh hlaa piangthar hman ka ni. Harriet nen hian he prize kan lo \anpui thei hi kan lawm takzet a. Khawvela fiction \ha ber \anpuitu kan ni thei hi kan lawm a ni,” a ti a. “Harriet nen hian ni khat pawh lehkhabu chhiar lovin kan awm ngai lo,” a ti bawk.

    He mite nupa hian kum 2000 khan Crankstart hi an din a, chhungkaw rethei a\anga zi chhuak university zirlaite hnenah scholarship an pe \hin a. Mi dang \anpui \hinin Booker Prize a sponsor tur hi ziak mi tam takin lawmawm an ti hle a ni.

    No comments

    Post Top Ad

    Post Bottom Ad