• Breaking News

    Bollywood star lar thin Urmila Matondkar-in Congress a zawm

    India rama film star lar Urmila Matondkar chuan nimin khan Congress party a zawm a. Congress-a lawmluhna inkhawmah hian Congress party President Rahul Gandhi pawh a tel a, Bombay North-ah Congress candidate atan puan a nih rin a ni.

    Rahul chuan Mumbai Congress President Milind Deora kaihhruai inkhawm ah Urmila hi an party member ni turin a lawm lut a. Lawmluhna inkhawmah hian Congress thupuangtu Priyanka Chaturvedi leh Randeep Surjewala-te pawh an awm a ni.

    Urmila chuan, “Min lo lawm avangin Congress president Rahul Gandhi chungah ka lawm hle a ni. Politics huangah pen khat ka pen ve ta a. Ka rilru leh ngaihtuahna hi Mahatma Gandhi, Jawaharlal Nehru leh Sardar Vallabhbhai Patel-te zirtirnaa innghat a ni,” a ti a. “Zalenna hlutzia zirtir ka ni \hin a, kan Danpui \hatzia leh mipui rorelna rinawmzia zirtir ka ni bawk a ni.

    “Tunlai hian mipuite thinlungah India ram hma-lam hun tur chungchangah hian zawhna a piang nasa hle a, chumi chhang tur chuan politics-ah ka zuang lut ve ta a ni,” a ti bawk.

    Urmila chuan Bollywood star-te chuan fan an ngah avangin political party-ten an sawm lut \hin tih sawiin, “Chutiang chu ka ni ve lo. Congress ka zawm nachhan chu he party hi mipuite tan a ding a, he ram rawngbawl tur hian a inpe a, kei pawhin ram rawng bawl turin he party hi ka zawm a ni,” a ti bawk.

    No comments

    Post Top Ad

    Post Bottom Ad