• Breaking News

    Boateng, Hummels leh Muller-te Germany tan an inkhel tawh dawn lo?

    Germany coach Joa-chim Low chuan Jerome Boateng, Mats Hummels leh Thomas Muller-te chu national team-ah thlan tel a tum tawh lo tih a hrilh.

    Boateng leh Hummels te h kum 30-a upa ve ve an ni a, Mulle rhi kum 29-a upa a ni ve thung a. An vai hian Bayern Munich player vek an ni a. An pathuma Germany ram tana an khelh tawh zat belh khawm chu match 246 a ni a. An vai hian 2014 Germany World Cup team-a tel vek an ni bawk.

    Germany hi kum 2018 World Cup khan group stage-ah an tla nghal a, Nations League-ah an relegate bawk a; an che chhe hle a. Low chuan ram tana inkhel tura a player thlante thlak an ngai  tawh niin a hria a ni ang.

    Low chuan, “Kum 2019 hi German national team tan chuan bul \an tharna kum a ni. Kan team hian hmel thar kan chhuah dawn a, hei hi kawng dik ni ngeiin ka hria. Player naupang zawkten an ma-mawh hmun an neih ve a ngai a, tunah chuan anni hian an kovah mawhphurh-na an lak a ngai ve tawh a ni,” a ti.

    Boateng, Hummels leh Muller-ten an ram tana an khelhho hnuhnun ber chu nikum October thlaa Nations League-a Nether-lands laka si thum faia an chak loh \um kha a ni.

    Muller hi ram tana match 100 khel tawh, goal 38 khung tawh a ni a, Boateng hian ram tan match 76 khelin, goal khat a khung ve tawh bawk a. Hummels hian ram tan match 70 khelin, goal 5 a khung ve tawh bawk.

    No comments

    Post Top Ad

    Post Bottom Ad