• Breaking News

    BJP Vice President atan Uma Bharti

    Union Minister Uma Bharti chu Bharatiya Janata Party national Vice President atan ruat a ni tih Union Minister Jagat Prakash Nadda chuan nimin khan a puang.

    Nadda chuan Press conference neiin, “Uma ji hian BJP president Amit Shah hnenah ziakin, Lok Sabha inthlanpui lo awm turah candidate nih tawh loh a tum thu a hrilh a. Hemi hnu hian BJP national vice president atan ruat a ni ta a ni,” a ti.

    Uma hi tunah hian Drinking Water and Sanitation Minister ni mek a ni a. Shah hnenah hian Lok Sabha 17-na member nih a tum tawh loh thu hi a sawi a. Hemi avang hian party-in nihna an pek apiang lawm takin a pawm ang tih a sawi zui a ni.

    Uma chuan Twitter-ah, “|hiante u, ka lo sawi tawh ang khan tunah pawh ka sawi leh a ni. President Mr. Amit Shah hnenah ziakin inthlan chuh ka duh tawh loh thu hi ka hrilh tawh a. Hemi avang hian party pawhin ka dilna an ngai-pawimawh a, ka nihna thar an puang ta a ni,” a ti a. “Kum khat leh a chanve chhung chu Ganga tuipui kamah a tam thei ang ber hun hman ka tum a. Hetih lai hian Lok Sabha inthlan lo awm turah hian party tan campaign-a chhuah erawh party hotute ruahmanna angin ka ti zel tho dawn ani,” a ti bawk.

    Bharti hian inthlan a chuh dawn loh avangin politics a chawlhsan dawn tihna a ni lo a ti thung.

    No comments

    Post Top Ad

    Post Bottom Ad