• Breaking News

    BJP candidate Tejaswi Surya - MP naupang ber a ni mai thei

    Bharatiya Janata Party chuan Bangalore South a\anga Lok Sabha 2019 inthlan chuh turin kum 28-a upa Tejaswi Surya chu an ruat a. A tling a nih chuan Lok Sabha MP ni thei naupang ber a ni ang.

    Lok Sabha MP ni thei naupang ber ni mek chu Jaannayak Janata Party MP ni lai Dushyant Chau-tala niin, ani hi kum 30 a nihin MP atan thlan tlin a ni a. Surya hi thlan tlin a nih chuan Chautala aiin kum hnih laiin an naupang zawk dawn a ni.

    Surya hi Rashtriya Swayam Sevak (RSS) ukil niin, hna a thawk \ha hle a ni ang, Bangalore South biala ding tura ngaih Union Minister boral ta HN Ananth Kumar nupui Tejaswini aiin BJP hotute chuan an candidate atan an thlang a. Kumar hi nikum November thla khan a boral a. Bangalore South a\ang hian \um ruk lai MP atan thlan tlin a lo ni tawh a ni.

    Surya hian MP candidate a nih avanga lawmawm a tih thu a sawi a. Social media lamah pawh Chowkidar Tejasvi Surya-tiin a hming a thlak nghal a. Candidate atana puan a nih chu a inrin loh thu a sawi a. Twitter lamah pawh khawvela democra-cy ram lian bera Prime Minister-in kum 28 mi MP ni thei tura a ring chu India ram thar siam tumna kawnga hmasawnna ni-a an hriat thu hi a lar hle.

    Surya chuan candidate tura ngaih Tejaswini chuan MP ni ngei turin duhsakna a hlan tih a sawi a. Tejaswini chuan party hotute thutlukna chu a pawm thu a sawi a. ‘Ram tan kan thawk duh a nih chuan Modiji tan hian kan thawk mai tur a ni,’ a ti thlap a ni.

    Surya hian Congress candidate BK Hariprasad  a khing dawn a. Bangalore South hi sceond phase-ah an tel a, April 18-ah vote thlak a ni ang.

    No comments

    Post Top Ad

    Post Bottom Ad