• Breaking News

    BJD-in hmeichhe tan seat hauh

    Odisha Chief Minister
    Odisha Chief Minister Naveen Patnaik chuan nimin khan Biju Janata Dal chuan Lok Sabha inthlan lo awm turah an candidate hmun thuma \hena hmun khat chu hmeichhia an ni dawn tih a puang.

    BJD hian tunah hian Lok Sabha-ah MP 21 lai an nei mek a. Kum 2014 inthlan-ah khan Odisha-a MP seat 21 zinga 20 an la fai vek a, heng zingah hian hmeichhia pathum an awm a ni.

    Hetih lai hian Patnaik chuan Lok Sabha inthlan ruala state Assembly inthlan neih tura beiseiah erawh hmeichhe candidate chungchang hi a sawi tel chuang lo a. Odisha Assembly-ah hian MLA 147 awm mekin, heng zing a 12 chu hmeichhia an ni.

    Patnaik chuan, “Kum 2012 daih tawh khan kan sorkar cuan panchayati raj hrang hrangah zaa 33 zel hmeichhia tan kan sorkar chuan a lo hauh tawh a ni. Nikum khan a vawi khat nan Parliament leh Assem -bly inthlanah hmeichhe candidate tana seat zaa 33 dahna tur bill hi kan lo pass tawh bawk,” a ti a. Party dangte pawh an tih anga ti ve tur leh hmeichhiate dinhmun chawi kanna lama hma la ve turin a sawm nghal bawk a ni.

    No comments

    Post Top Ad

    Post Bottom Ad