• Breaking News

    Belgium, Wales, Russia, Germany leh Poland chak vek

    Euro 2020 qualifier khelh mek zelah Belgium chuan Chawlhni zan khan Cyprus an hneh a. Germany leh Netherlands inkhel hmuhnawm takah Germany an chungnung zawk a. Poland an chak a, Wales pawhin Slovakia an hneh a. Croatia chu Hungary lakah an tlawm thung.

    Chelsea forward Eden Hazard chuan an ram tana a match 100 khelhna khelin, goal a khung bawk a. Euro 2020 qualifying Group I-ah hma an hruai mek a. Belgium hi Cyprus lakah 2-0 in an chak.

    Hazard chuan minute 10-naah goal mawi tak khungin, Chelsea tana a khelhpui tho Michy Batshuayi chuan Cyprus goalkeeper bumin, goal khat a khung ve bawk a ni.

    Chelsea a\anga Crystal Palace-a loan-a khel mek Batshuayi hian Belgium ram tan match 25 a khel tawh a, goal 13 a khungna a ni.

    Group I inkhel dangah Scotland chuan San Marino 2-0 in an hneh ve bawk a. Russia chuan 4-0 in Kazakhstan an sawp thung a. World Cup semi-finalists Belgium hian an khelh lehah Kazakhstan leh Scotland te an khel leh dawn a ni.

    Hetih lai hian Group E inkhelah World Cup finalists Croatia chu Hungary lakah 2-1 in an tlawm a. Hungary hi Fifa rankings-ah 52-na daih an ni a, hetih lai hian Wales chuan 1-0 in Slovakia an lo hneh si a, Wales tan chance a \ha ta ber a ni.

    Fifa ranking-a 4-na ni mek Croatia, Slovakia leh Hungary-te hian point 3 \heuh an hmu mek a, Wales pawh hian point 3 tho an hmu naa, mi dang aiin an khelh tlem zawk avangin Group E-ah chance an nei \ha a ni.

    Group C inkhelah Netherlands chuan Amster -dam-ah Germany an mikhual a. Leroy Sane chuan Germany tan goal hmahruai a khung a, Serge Gnabry chuan goal khat a khung belh leh a. Mahse, hun tawp hmain Mthijs De Ligt leh Memphis Depay-ten Dutch tan goal an khung a. Hun pek belhah Nico Schulz chuan Germany tan chakna goal a rawn khung hlauh a ni.

    Netherlands hian si hnih an phurh hnuah point an hmu leh teuh hle a ni.

    Euro 2020 Qualifier Results
    SUNDAY 24TH MARCH 2019
    Wales 1-0 Slovakia
    Kazakhstan 0-4 Russia
    Hungary 2-1 Croatia
    Israel 4-2 Austria
    San Marino 0-2 Scotland
    Netherlands 2-3 Germany
    Northern Ireland 2-1 Belarus
    Poland 2-0 Latvia
    Slovenia 1-1 Macedonia
    Cyprus 0-2 Belgium

    No comments

    Post Top Ad

    Post Bottom Ad