• Breaking News

    Bayern Munich-ah Hernandez

    Bayern Munich chuan Atletico Madrid a\angin defender Lucas Hernandez chu an lei a, kum nga daih contract ziahpuiin, kum nga chhung hian Euro makta-duai 80 (Pound maktaduai 68) a hlawh dawn a, Bayern Munich-in player pakhat hnena hlawh atana sum an sen hnem ber record thar a siam.

    Kum 23-a upa Hernan -dez hi France ram mi niin, nikum World Cup khan France ram tan khelin, an champion a. Kumin July ni 1 hian Bundesliga cham-pion leh leader ni lai Bayern hi a zawm dawn a ni.

    Bayern Munich-a medi -cal a neihah doctor-te chuan Hernandez hi a khup ding lama a tha pakhat a na tih an hmu chhuak a, Nilaini khan an zai nghal rum rum a ni.

    Bayern a zawm hnuah Hernandez chuan, “Vawiin hi ka football khelh china ni pawimawh tak a ni. Bayern Munich hi Europe leh khawvela club \ha ber zinga mi a ni a. He club-a khel a, Bayern tana theih-tawp chhuah tura hun remchang ka nei tur hi ka lawm hle a ni,” a ti.

    Hernandez hian centre-back leh left-back-ah a khel thei ve ve a. Atletico tan hian La Liga match 67 khelin, Atletico-a a khelh chhung hian Europa League leh Super Cup-ah an champion hman a ni.

    Kum 23 mi chauh ni mah se France ram tan match 15 lai a khel tawh a, Russia rama World Cup-ah khan France ram game khelh zawng zawngah a khel kim vek a ni.

    Hetih lai hian Bayern sporting director Hasan Salihamidzic chuan, “Khawvela defender \ha ber zinga mi, World Cup winner Lucas Hernandez kan la lut thei hi ka lawm hle a ni. French footballer kan lo lak luh tawh dangte ang bawkin player ropui tak a ni ang a, he team hi a siam \ha ngei ang,” a ti.

    No comments

    Post Top Ad

    Post Bottom Ad