• Breaking News

    Balotelli a dangdai leh pek!

    Mario Balotelli chuan footballer ni siin football lo lama chanchinbu headline siam hi a thiam riau a. Chawlhni pawh khan chanchin danglam tak a nei leh zauh.

    Italian striker hian Marseille-in 2-0 a Saint-Etienne an hnehna inkhelah goal a khung a, mi tih loh danin a ti leh pek a. Marseille a zawm a\angin game ruk a khelhna a ni a, goal 4 a khungna a ni bawk a. He inkhelah hian Florian Thauvin-a cross \ha zet chu minute 12-naah a lo hem lut a. A goal khung hi lawmin goal post hnunga cameraman phone chu la-in, a \hianten an rawn lawmpui lai chu video-in a la a, Instagram-ah a post nghal hmiah!

    Kum 28-a upa Balotelli hian hemi hnu hian a khelh chhunzawm ve leh mai bawk!

    Saint-Etienne coach Jean-Louis Gasset chuan, “Balotelli hian pressure a zo ber mai. Lansarh hi a thiam a, Zlatan Ibrahimovic min hriat chhuahtir a ni. A \hiante leh an fan-te rilruah inrintawkna a rawn pe thar leh a, an inkhel pawh a danglam vek a ni,” a ti.

    Balotelli hi football-ah selfie style-a goal celebrate hmasa ber a ni lo va. Roma player ropui Francesco Totti khan kum 2015 daih tawh khan lazio nen an inkhelha goal a khung \umin  hetiang deuh hian a lo ti tawh a, ani kha chuan a selfie ringawt thung.

    Marseille goal dang hi Balotelli siamsaktu Thauvin-a’n penalty a\anga a khung a ni.

    Marseille hian League game an khelh hnuhnung match 5 a\angin point 13 an hlawh chhuak tawh a, Saint-Etienne hi zuan khumin 4-na an ni a, tunah hian pathumna ni mek Lyon nen an inkarah point 5 chiah a awm tawh a. Pathumna chin hian season tharah Champions League an khel pha dawn a, an \ang hle a ni.

    No comments

    Post Top Ad

    Post Bottom Ad