• Breaking News

    Bale-a dinhmun a tha lo; Spain-ah lawm a hlawh lo tual tual

    Wales hmatawng Gareth Bale-a agent Jona-than Barnett chuan Inrinni zana Barcelona-in El Clasico-a Real Madrid an hneh \uma Real Madrid fan-ten Bale an au nawm -nah chu a ngaihtheih loh thu a sawi.

    Chawlhni zan khan Bale hian inkhelh bul a \an a. Mahse, darkar khat hnuah awmzia a neih theih loh avangin Marco Asen-sio chuan a rawn thlak a. Asensio hian awmzia phei chu a rawn nei bik lo.

    Asensio’n a rawn thlak a, Bale a chhuah lai tak khan Real fan-te chuan Bale hi an lo au nawmnah a, an lo chhaih bawk a. Hei tak hi Barnett chuan a duh lo a, a thin a rim a ni.

    Barnett chuan, “Fant-te hi an zahpuiawm khawp mai. Kum tam tak lo awm leh turah hian Bale-a chanchin hi an la sawi ang a, a goal pahw an la sawi ang,” a ti deuh ngat.

    Hetih lai hian Bale hi Madrid khawpuiah hian a tuitla lo tial tial tih chu a chiang reng a. Tun hnaiah defender Marcelo leh goal-keeper Thibaut Courtois-te chuan Bale hian dressing room-ah Spanish a hmang ve ngai lo tih an sawi a. Hei hi Spain press-te chuan nasa takin an chhuah a, an sawi zui bawk a. An sawi zui zel a, a team-mate-te lah hian an sawisel bawrh bawrh bawk si. A \hiante chuan ‘The golfer’ tiin a hming lem an phuahsak tih te pawh an sawi chhuak a. Zanriah an kilho lai pawhin a \hiante bulah a ei ve lo va, a lo muhil te an ti.

    Barnett chuan, “Press lam pawh hi an ngeiawm. Mahse, fan-te ai chuan an pawimawh lo zawk,” a ti.

    Real Madrid President Florentino Perez hian season tharah hian an team \huah fai a tum a. Bale hian kum 2022 thleng contract la nei mah se, chhuak tura rinkai ber a ni mek.

    Bale hian kum 2013 September thla khan Real Madrid hi a zawm a. Real tan hian game 222 khel tawhin, goal 101 a khung a, assist vawi 63 a nei tawh bawk a. Kum 2014 leh 2018 Champions League final khan chakna goal a khung ve ve bawk a, chuti taka che chhia a ni lo.

    No comments

    Post Top Ad

    Post Bottom Ad